"कायद्यापुढे सगळे समान; मग हा तमाशा का?"

देवेंद्र फडणवीस (Devendra Fadnavis) यांची पोलिसांकडून त्यांच्याच घरी चौकशी सुरु आहे. रश्मी शुक्ला (Rashmi Shukla) फोन टॅपिंग प्रकरणी देवेंद्र फडणवीस यांना सायबर गुन्हे शाखेने नोटीस बजावली होती. पोलिसांनी नोटिस पाठवल्याची माहिती फडणवीसांनीच दिली होती. यावर राजकारण चांगलेच तापले असुन भाजप आक्रमक झाला. यावर संजय राऊत यांनी ट्वीट करत भाजपवर टीका केली.

संजय राऊत ट्वीटद्वारे म्हणाले, “कमाल आहे! काही लोक व काही राजकीय पक्ष स्वता:ला कायद्यापेक्षा मोठे का समजत आहेत? महाराष्ट्रात अनेक मंत्री आणि लोकप्रतिनधींनीना राजकीय सुडा पोटी केंद्रीय तपास यंत्रणांनी चौकशीला बोलावले व ते हजर झाले.. लोकशाहीत विशेष अधिकार कोणालाच नसतो. कायद्यापुढे सगळे समान आहेत. मग हा तमाशा का?”

दरम्यान फडणवीसांना आलेल्या नोटिशीविरोधात भाजप आक्रमक झाली आहे. आज राज्यभर मुंबई पोलिसांच्या नोटिशीची भाजपतर्फे होळी करुन महाविकास आघाडी सरकारचा निषेध नोंदवला. ही कारवाई सुडबुध्दीने केल्याचा आरोप भाजप करत आहेत.