काँग्रेसला अध्यक्षपद नसल्याचा फायदा भाजप घेतंय - राऊत

काँग्रेस पक्ष हा या देशातील सर्वात जुना पक्ष आहे. स्वातंत्र्यलढ्यात या पक्षाने महत्वाची कामगिरी बजावली आहे. देशाच्या जडणघडणीत काँग्रेसचा सहभाग आहे. मात्र याला पक्षाला नेतृत्व नसण्याचा फायदा भाजपासारखे पक्ष घेतात, असा टोला शिवसेनेचे नेते संजय राऊत यांनी लगावला. मुंबई येथे पत्रकारांशी ते बोलत होते. काँग्रेसचा अध्यक्ष निवडला जात नाही तोपर्यंत सध्याचा गोंधळ कायम राहणार असेही ते यावेळी म्हणाले.

यावेळी ते म्हणाले, देशाच्या जडणघडणीत काँग्रेसच पक्षाचा मोठा सहभाग आहे. 60 वर्षापेक्षा जास्त काळ त्यांनी देशावर राज्य केलंय. देशाला अनेक मोठे नेते दिले आहेत. अशावेळी या पक्षाला नेतृत्व नसल्याने याविषयी लोकांच्या मनात संभ्रम निर्माण होतो. काँग्रेस पक्षाला अध्यक्षपद नाही ते द्यावे अशी मागणी केली तर ते योग्य आहे.

पुढे ते म्हणाले, राहुल गांधी यांनी अध्यक्षपद सोडल्यानंतर काँग्रेस नेतृत्वहीन झाला. एखादा पक्ष नेतृत्वहीन झाला की भाजपासारखे इतर पक्षही त्याचा फायदा घेतात. कॉंग्रेस पक्ष हा या देशातल्या प्रमुख विरोधी पक्ष म्हणून राहीला नाही तर भविष्यामध्ये त्यांना राजकारण करता येणार नाही.अशा वेळा काँग्रेस नेतृत्वाने अध्यक्षपदाचा विषयी लवकरात लवकर मार्गी लावला तर नक्कीच त्यातून देशाला आणि विरोधी पक्षाच्या आघाडीला पुढे जाता येईल, असेही त्यांनी सांगितले.