नेमके हेच घडले!, तीन शब्दांतच राऊतांचा बंडखोरांना चपराक

एकनाथ शिंदे यांनी चाळीसहून अधिक आमदार सुरुवातीला सुरत आणि त्यानंतर गुवाहाटीला घेऊन जात बंड केलं. त्यामुळं राज्यातील महाविकास आघाडी सरकार (Mahavikas Aghadi Government) अल्पमतात आलं होतं. काल रात्री उशीरा मुख्यमंत्री उद्धव ठाकरे यांनी आपल्या पदाचा राजीनामा दिला आहे. दरम्यान, आता यावरून खासदार संजय राऊत यांनी एक ट्वीट केलं आहे. राऊतांनी एक कॅरीकेचर ट्वीट करत अप्रत्यक्षरित्या एकनाथ शिंदे आणि बंडखोर आमदारांना टोला लगावला आहे. (Sanjay Raut on Rebel MLA's)

खासदार राऊत यांनी फक्त तीन शब्दांचं कॅप्शन या कॅरीकेचरला दिले आहे. ते म्हणाले की, नेमके हेच घडले!. या कॅरीकेचर मध्ये एक व्यक्ती पाठमोरा दाखवला आहे आणि त्याच्या पाठीवर मागून वार केललं हे कॅरीकेचर ट्वीट करत त्यांनी शिंदे गटातील आमदारांना जाणिव करुन दिली आहे.

काय म्हणाले काल मुख्यमंत्री ठाकरे?

उद्या नव्या लोकशाहीचा पाळणा हलतोय. हा सोहळा जबरदस्त झाला पाहिजे. तुमच्या मार्गात कुणीही येणार नाही. तुम्ही या आणि घ्या शपथ घ्या. राज्यात कोणत्याही शिवसैनिकांनी गोंधळ घालू नये असे आवाहन मुख्यमंत्री ठाकरे यांनी केलं आहे. कोणत्याही शिवसैनिकाने नव्या सरकारच्या मधे येऊ नये, त्यांना त्यांचा गुलाल उधळू द्या असे म्हटले आहे. असे ठाकरे यांनी म्हटले आहेत.

शिवसेनाप्रमुखाच्या पोराला मुख्यमंत्रीपदावरून खाली खेचण्याचं पुण्य त्यांना लाभणार आहे. मला पद जाण्याची खंत अजिबात नाही, बहुमतामध्ये मला रस नाही. केंद्राच्या सूचनेवरून मुंबईत सुरक्षा वाढवली जातेय. उद्या चीन सीमेवरील सुद्धा सुरक्षा मुंबईत येईल. यावेळी शरद पवार आणि सोनिया गांधींनी खूप सहकार्य केलं असे म्हणत मुख्यमंत्री ठाकरे यांनी त्यांचे आभार मानले.