Devendra Fadnavis : फडणवीस मदारी, ते डमरू वाजतात अन् दोन माकडं नाचतात; ठाकरे गटाची जहरी टीका

मुंबई - राज्याचा कारभार मुख्यमंत्री एकनाथ शिंदे आणि उपमुख्यमंत्री देवेंद्र फडणवीस, उपमुख्यमंत्री अजित पवार हे तिघे मिळून पाहात आहेत. मात्र यावरून विरोधक सातत्याने टीका करत आहेत. दोन दिवसांपूर्वीच अजित पवार नाराज असल्याच्या चर्चा होत्या. त्यात आज ठाकरे गटाचे खासदार संजय राऊत यांनी सरकारवर जोरदार टीका केली आहे.

संजय राऊत म्हणाले की. इथल्या सरकराच्या चड्डीचा नाडा दिल्लीत आहेत. ते कधीही नाडा घट्ट करतात. मुख्यमंत्री आणि दोन उपमुख्यमंत्री पळत दिल्लीला जातात. सरकारी रुग्णालयात दीडशेहून अधिक लोक रोज मरत आहेत. ही जबाबदारी सरकारची नाही का? कधीही विचारा मुख्यमंत्री कुठंय तर ते दिल्लीत अमित शहांना भेटायला जातात.

देवेंद्रजी मदारी है, और दो बंदर नाच रहे है...देवेंद्रजी बजा रहे है, ये नाच रहे है..., अशा शब्दात राऊत यांनी निशाणा साधला. तसेच यांच्या चड्डीचा नाडा दिल्लीत आहे, असंही राऊत यांनी नमूद केलं. हे सरकार ना फडणवीस, ना शिंदे, ना अजित पवारांनी आणलं. दिल्लीतील ईडीने हे सरकार आणल्याचा दावा राऊत यांनी केला.