Sanjay Raut News | "हे दुष्टचक्र..."; राज्यसभेच्या जागेच्या प्रश्नावर संजय राऊत संतापले | Sakal
sakal

बोलून बातमी शोधा

Sanjay Raut
"हे दुष्टचक्र..."; राज्यसभेच्या जागेच्या प्रश्नावर संजय राऊत संतापले

"हे दुष्टचक्र..."; राज्यसभेच्या जागेच्या प्रश्नावर संजय राऊत संतापले

राज्यसभेच्या सहाव्या जागेचा पेच अजूनही कायम आहे. हा सहावा उमेदवार कोणाचा असेल, याबाबत सर्वच पक्षांमध्ये चढाओढ सुरू आहे. याच संदर्भात आता शिवसेना खासदार संजय राऊत (Shivsena MP Sanjay Raut) यांनी एक सूचक ट्विट केलंय. महाराष्ट्रात घोडेबाजार सुरू करण्याची विरोधकांची ईर्ष्या दिसू लागल्याचं त्यांनी म्हटलं आहे.

संजय राऊत यांनी या संदर्भातलं ट्विट केलं आहे. राऊतांनी आपल्या ट्विटमधून विरोधकांवर बोचरी टीका केली आहे. राऊत म्हणाले, "राज्यसभेच्या ६ व्या जागेसाठी महाराष्ट्रात घोडेबाजार सुरू करण्याची विरोधकांची ईर्ष्या दिसू लागलीय. भ्रष्टाचारातून पैसा, त्यातून घोडेबाजार! हे दुष्ट चक्र कधी थांबेल? सहावी जागा शिवसेना लढेल. कोणी कितीही आकडे मोड करावी. आकडे आणि मोड दोन्ही महाविकास आघाडीकडे आहे. लढेंगे, जितेंगे".

हेही वाचा: राज्यसभेची निवडणूक अपक्ष लढविणार संभाजीराजे छत्रपती यांची माहिती; स्वराज्य या संघटनेची घोषणा

राज्यसभेच्या निवडणुका जूनमध्ये होणार आहेत. त्यात महाराष्ट्रातल्या सहा जागांचा समावेश आहे. भाजपाचे (BJP) २, राष्ट्रवादी काँग्रेस (Nationalist Congress Party), शिवसेना (Shivsena) आणि काँग्रेसचा (Congress) प्रत्येकी एक उमेदवार विजयी होईल. तर सहाव्या जागेसाठी आवश्यक असणारं संख्याबळ राज्यातल्या महाविकास आघाडी सरकारकडे (Maha Vikas Aghadi Government) आहे, त्यात शिवसेनेने आधीच सहाव्या जागेवर दावा केला आहे. तर भाजपाही सहाव्या जागेसाठी उमेदवार देण्याच्या तयारीत आहे.

Web Title: Sanjay Raut Tweet About Rajyasabha 6th Seat Shivsena

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top