Sushma Andhare : अंबादासनेच सांगितलं, 'ती' बाई डोक्याच्या वर झाली; शिंदे गटाच्या आमदाराचा गौप्यस्फोट

छत्रपती संभाजीनगर - शिवसेना पक्षात फूट पाडून एकनाथ शिंदे यांनी आपली वेगळी चुल थाटली होती. शिवाय आता शिवसेना पक्ष आणि पक्ष चिन्ह देखील एकनाथ शिंदे यांना मिळालं आहे. शिवसेनेचे अनेक नेते उद्धव ठाकरे यांना सोडून शिंदे गटात गेले. तर तिकडं ठाकरे गटात अनेकांनी प्रवेश केला आहे. यात सर्वात मोठं नाव ते म्हणजे सुषमा अंधारे आहेत. यावरून शिंदे गटाच्या आमदाराने मोठा गौप्यस्फोट केला आहे.

छत्रपती संभाजीनगर येथे शिवसेनेचा पदाधिकारी मेळावा आयोजित करण्यात आला होता. यावेळी उपस्थितांना संबोधित करताना संजय शिरसाट यांनी खळबजनक गौप्यस्फोट केला. ते म्हणाले की, त्या म्हणतात, सत्तारभाऊ माझेच भाऊ, भुमरेभाऊ माझेच भाऊ, काय-काय सुरू आहे. कोण आहेस तू? आमचं आयुष्य गेलं शिवसेनेत, आणि तुम्ही येऊन आम्हाला मार्गदर्शन करणार, अस म्हणत, शिरसाट यांनी सुषमा अंधारे यांचं नाव न घेता टीका केली.

शिरसाट पुढं म्हणाले की, राजकारणात काहीही होऊ शकतं, मला अंबादासने फोन करून सांगितलं की, ती बाई लय डोक्याच्या वर झाली आहे. अर्थात, शिरसाट यांचा रोख सुषमा अंधारे यांच्याकडेच होता.