मुख्यमंत्र्यांचे सचिव आता राज्यपालांचे सचिव; काय गौडबंगाल?

मुंबई : महाराष्ट्रात राष्ट्रपती राजवट लागू असल्याने निर्णय घेण्याचे अधिकार राज्यपालांकडे आले आहेत. अशातच माजी मुख्यमंत्री देवेंद्र फडणवीस यांचे सचिव असलेले आयएएस अधिकारी सचिन कुर्वे यांची राज्यपालांचे सचिव म्हणून बदली झाल्याने आश्चर्य व्यक्त करण्यात येत आहे. यामागे नक्की काय गौडबंगाल याबाबत चर्चा सुरु झाली आहे.

'सकाळ'चे मोबाईल ऍप डाऊनलोड करा

सध्या राजकीय वर्तुळात 2003 सालच्या बॅचचे आयएएस अधिकारी सचिन कुर्वे यांची गव्हर्नर हाऊसमध्ये करण्यात आलेली बदली चर्चेचा विषय आहे. सचिन कुर्वे हे प्रशासकीय कामांमध्ये राज्यपालांना मदत करत आहेत. मुख्यमंत्र्यांचे सचिव असलेल्या कुर्वेंची अचानक बदली झाली. 2014 मध्ये भाजप सत्तेत आल्यानंतर कुर्वे हे माजी मुख्यमंत्री फडणवीस यांचे सर्वांत जवळचे अधिकारी म्हणून ओळखले जात होते. त्यांना नागपूरचे जिल्हाधिकारी म्हणूनही काम केलेले आहे. त्यानंतर त्यांची मुंबई उपनगराचे जिल्हाधिकारी म्हणून बदली करण्यात आली. विधानसभा निवडणुकीच्या तोंडावर जुलैमध्ये त्यांना मुख्यमंत्र्याचे सचिव करण्यात आले. आता त्यांची राज्यपाल भवनात बदली झाली आहे.

जिंदगी मे कुछ पाना हो तो... : संजय राऊत

महाराष्ट्रात राष्ट्रपती राजवट असल्याने कुर्वेंकडे आता मोठी जबाबदारी आहे. राज्यपालांना प्रशासकीय कामात मदत करण्याबरोबरच अनेक महत्त्वाच्या कामांतही त्यांचा सहभाग असणार आहे. कुर्वे हे मुळचे उत्तराखंडमधील असून, सध्याचे राज्यपालही उत्तराखंडचे मुख्यमंत्री राहिलेले आहेत. राज्यपालांवर शिवसेनेसह सर्वच विरोधी पक्षांनी सत्तास्थापनेसाठी वेळ कमी दिल्याचा आरोप होत आहे. राज्यात भाजप अद्यापही सत्ता स्थापनेचा दावा करत असताना याच्याशी याचा संबंध जोडण्यात येत आहे.