Shivsena: ''शरद पवारांनीच पहिल्यांदा शिवसेना फोडली'' भाजप नेत्याचा गंभीर आरोप

केंद्रीय निवडणूक आयोगाकडून शुक्रवारी शिवसेना नाव आणि पक्षचिन्हा धनुष्यबाण एकनाथ शिंदे यांच्या गटाला दिलं आहे. (Ram Shinde On Sharad Pawar)

तेव्हा पासून राज्याचं राजकारण चांगलंच ढवळून निघालं आहे. दरम्यान शिंदे गट आणि भाजपकडून मविआसोबत ठाकरे गटावर आणि शरद पवारांवर जोरदार गरळ ओकली जात आहे.

भाजपचे आमदार राम शिंदे यांनी शरद पवारांवर गंभीर आरोप केला आहे, शिंदे यांनी माध्यमांशी संवाद साधला यावेळी ते म्हणाले, या राज्यात शरद पवारांनी पहिल्यांदा शिवसेना फोडण्याचं काम केलं.

छगन भुजबळ हे पूर्वाश्रमीचे शिवसेनेचे होते. मात्र आज ते राष्ट्रवादीचे नेते आहेत. संजय राऊत सकाळ-दुपार-संध्याकाळ फडफड बोलतात. मात्र, शिवसेना पहिल्यांदा कोणी फोडण्याचा प्रयत्न केला आणि कोणी शिवसेना फोडली यावरही बोलायला हवं असं शिंदे यावेळी म्हणाले.

तर पुढं म्हणाले की, संजय राऊत शिवसेनेत राहून राष्ट्रवादीचं आणि शरद पवारांचं काम करत आहेत. त्यामुळे शिवसेनेची दुर्दशा झाली आहे. अशी टीका देखील शिंदे यांनी केली आहे.