Sharad Pawar Resigns : पवारांनी का मागे घेतला राजीनामा?, 'प्रेस नोट'मध्ये केलं स्पष्ट

मुंबईः राष्ट्रवादी काँग्रेसचे अध्यक्ष शरद पवार यांनी पक्षाच्या अध्यक्षपदी कायम राहण्याचा निर्णय घेतला आहे. यावेळी पवारांनी एक प्रेस नोट वाचून दाखवली. ती जशासतशी देत आहोत.

शरद पवार यांनी हीच प्रेस नोट वाचून दाखवली आहे. कार्यकर्त्यांच्या भावनांचा आदर करत आपण निर्णय मागे घेतल्याचं पवारांनी सांगितलं.

काल शरद पवारांनी केलं होतं सूचक वक्तव्य

कार्यकर्ते आणि प्रमुख नेत्यांच्या नाराजीनंतर, त्यांच्या आंदोलनानंतर शरद पवार यांनी त्यांच्याशी संवाद साधला होता. राष्ट्रवादीचं अध्यक्षपद सोडण्याबाबत येत्या एक-दोन दिवसांत अंतिम निर्णय घेणार असल्याची प्रतिक्रिया खुद्द शरद पवार यांनी दिली होती.

दोन दिवसानंतर तुम्हाला आंदोलन करण्याची वेळ येणार नाही असं शरद पवारांनी कार्यकर्त्यांना संबोधित करताना म्हटलं होतं.

पत्रकार परिषदेला अजित पवार अनुपस्थित

मुंबईतील वाय बी सेंटर येथे झालेल्या पत्रकार परिषदेत आपण राजीनामा मागे घेत असल्याचे शरद पवार यांनी जाहीर केलं. मात्र यावेळी अजित पवार मात्र अनुपस्थित राहील्याचे दिसून आले. या पत्रकार परिषदेत अजित पवार उपस्थित राहीले नाहीत यावरून विचारलेल्या प्रश्नाल शरद पवारांनी उत्तर दिलं. ते म्हणाले की, सगळे पत्रकार परिषदला असतात का?