Sharad Ponkshe Rahul Gandhi | त्याला 'गोळवलकर' म्हणताही येईना; शरद पोंक्षेंचा राहुल गांधींना टोला | Sakal
sakal

बोलून बातमी शोधा

Sharad Ponkshe Rahul Gandhi
त्याला 'गोळवलकर' म्हणताही येईना; शरद पोंक्षेंचा राहुल गांधींना टोला

त्याला 'गोळवलकर' म्हणताही येईना; शरद पोंक्षेंचा राहुल गांधींना टोला

अभिनेते शरद पोंक्षे आपल्या राजकीय भूमिकांमुळे आणि विधानांमुळे सातत्याने चर्चेत असतात. आताही राहुल गांधींबद्दलच्या एका विधानामुळे पोंक्षे चर्चेत आले आहे. ५० वर्षांचा झाला तरी त्याला गोळवलकर म्हणता येत नाही, असा टोला शरद पोंक्षेंनी काँग्रेस नेते राहुल गांधींना लगावला आहे.

पुण्यातल्या मृत्यूंजय सावरकर या कार्यक्रमात बोलताना शरद पोंक्षे म्हणाले की, महाराष्ट्रातलं गोळवलकर विद्यालय एकच का? सगळ्या राज्यांमध्ये असं विद्यालय असायला हवं. सावरकरांचे विचार लहान मुलांमध्ये भिनायला हवेत. इथल्या लहान मुलांनाही सावरकरांबद्दल कळतं. मुलामुलांमध्ये फरक आहे. ही मुलं पाहा आणि दिल्लीतला तो मुलगा पाहा. ५० वर्षांचा घोडा झाला तरी त्याला गोळवलकर म्हणता येत नाही. आता पन्नाशी आली तरी म्हणता येत नाही.

सावरकरांचे विचार शाळांमध्ये पोहोचवण्यासाठी मी प्रयत्न करणार असल्याचंही पोक्षेंनी सांगितलं. ते म्हणाले, माझे जवळचे स्नेही मुख्यमंत्री झालेत. त्यांना सांगेन मी, सावरकर विचार राज्यात शाळेत पोहविण्यासाठी मी प्रयत्न करेन. स्वातंत्र्यवीर सावरकर यांच्याबद्दलच्या आपल्या भावना व्यक्त करताना शरद पोंक्षे म्हणाले की, सावरकरांबद्दल वाट्टेल ते बोलतात. सावरकरांवर आक्षेप घेणारे खूप आहेत. उत्तर देणारे कमी आहेत. सावरकर समजत नाहीत म्हणून त्यांना विरोध केला जातोय. सावरकरांचा देशात जेवढा अपमान झालाय तेवढा कोणीच केला नसेल. सावरकर नावाची दहशत किती आहे, ते काँग्रेसला माहित आहे.

Web Title: Sharad Ponkshe Sawarkar Pune Congress Rahul Gandhi

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top