Sheetal Mhatre Video : "मी व्हिडीओ १० जणांना फॉरवर्ड केला; ३२ देशात व्हिडीओ पाहिला गेला"

शिवसेना नेत्या शीतल म्हात्रे आणि आमदार प्रकाश सुर्वे यांचा एक व्हिडीओ सध्या सोशल मीडियावर व्हायरल होत आहे. या प्रकरणी राज्यातलं वातावरण तापलेलं असतानाच आता ठाकरे गटाच्या नेत्याने केलेलं विधान चर्चेचा विषय ठरत आहे.

विधानपरिषदेचे विरोधी पक्षनेते अंबादास दानवे यांनी अधिवेशनात बोलताना या विषयी भाष्य केलं आहे. दानवे म्हणाले, "मलाही तो व्हिडिओ आला मीही तो १० जणांना फॉरवर्ड केला. हा व्हिडिओ 32 देशात पहिला गेला. हा व्हिडिओ यूटूबवर ३० लाख लोकांनी पहिला. पोलिस विनाकारण लोकांवर कारवाई करतात. शिवाय पोलिसांनी त्या मुलाच्या फेसबुक व्हिडिओचा तपास करावा. त्या व्हिडिओमधून समजेल हा व्हिडिओ मॉर्फ आहे की खरा आहे हे समजेल."

याप्रकरणी शीतल म्हात्रे यांनी पोलिसांत तक्रार दिली आहे. त्यानुसार आत्तापर्यंत पाच जणांना अटकही करण्यात आली आहे. खासदार संजय राऊत यांनी या प्रकरणी आमदार प्रकाश सुर्वे यांची बाजू जाणून घ्यायला हवी, असं विधान केलं आहे. या प्रकरणामध्ये त्या पुरुष आमदाराचीही बदनामी झाली आहे, ते कुठे आहेत, असा प्रश्न संजय राऊत यांनी विचारला आहे.