...का उगाच वण वण भटकताय? बंडखोर आमदारांसाठी राऊतांचं नवं ट्वीट

Maharashtra Political Crisis : एकनाथ शिंदेंच्या (Eknath Shinde) बंडामुळे शिवसेना संकटात सापडली आहे. मात्र अजूनही परिस्थिती नियंत्रणात आहे, असा दावा संजय राऊत करताना दिसत आहेत. आता परत एकदा राऊतांनी ट्वीट करत चर्चेतून मार्ग निघू शकतो, चर्चा होऊ शकते, असे म्हटले आहे. (shiv sena leader sanjay raut appeal to mla amide maharashtra poliical crisis)

शिवसेनेच्या अनेक आमदारांनी पक्षाची साथ सोडत एकनाथ शिंदेंसोबत बंडात सहभाग घेतला आहे. यामुळे राज्यातील मविआ सरकरा अस्थिर होण्याची शक्यता आहे, या सगळ्या अस्थिरच्या काळात संजय राऊत मात्र सगळं व्यवस्थित होऊ शकतं असा आशावाद व्यक्त करताना दिसत आहेत. त्यांनी ट्वीट केलं आहे की, "चर्चेतून मार्ग निघू शकतो. चर्चा होऊ शकते. घरचे दरवाजे उघडे आहेत.. का उगाच वण वण भटकताय? गुलामी पत्करण्यापेक्षा स्वाभिमानाने निर्णय घेऊ! जय महाराष्ट्र!", अशी भावनिक साद त्यांनी बंडखोर आमदारांना घातली आहे.

यापूर्वी संजय राऊतांनी बोलताना शिवसेनेनं मविआतून बाहेर पडलं पाहिजे असं वाटतं असेल, तर 24 तासांत मुंबईत या आणि मुख्यमंत्री उद्धव ठाकरेंशी (Uddhav Thackeray) चर्चा करा, असं थेट आवाहन बंडखोर आमदारांसह एकनाथ शिंदेंना केलं होतं. तसेच त्यांनी बंडखोर आमदारांनी महाराष्ट्रात येऊन चर्चा करावी. गुवाहाटीमध्ये बसून पत्रव्यवहार करु नये, असा सल्ला वजा इशाराही त्यांनी आमदारांना दिला होता.