महाड : हिंदवी स्वराज्याची राजधानी असलेल्या रायगडावर अखिल भारतीय शिवराज्याभिषेक महोत्सव समितीतर्फे दर वर्षीप्रमाणे यंदाही 6 जूनला शिवराज्याभिषेक दिन सोहळा साजरा करण्यात येणार आहे.
अखिल भारतीय शिवराज्याभिषेक महोत्सव समितीचे मार्गदर्शक छत्रपती संभाजीराजे व युवराज शहाजीराजे या सोहळ्याला उपस्थित राहणार आहेत. छत्रपती शिवाजी महाराज यांचा 6 जून 1674 ला दुर्गराज रायगडावर राज्याभिषेक झाला. त्या सुवर्ण दिनाची स्मृती कायम राहावी, या उद्देशाने अनेक वर्षांपासून छत्रपती संभाजीराजे यांच्या मार्गदर्शनाखाली शिवराज्याभिषेक दिन सोहळा उत्साहाने साजरा होत आहे. रायगडावर 5 जूनला रायगड विकास प्राधिकरणातर्फे स्वच्छता मोहीम राबवली जाणार आहे. 6 जूनला सकाळी मुख्य कार्यक्रमाला सुरुवात होईल. सकाळी 9.30 वाजता पारंपरिक वाद्यांच्या गजरांमध्ये छत्रपती शिवाजी महाराज यांच्या पालखीचे राजसरदरेवर आगमन होईल. शिवरायांच्या उत्सवमूर्तीचे छत्रपती संभाजीराजे यांच्या हस्ते विधिवत पूजन, अभिषेक व त्यानंतर मेघडंबरीतील छत्रपती शिवरायांच्या मूर्तीवर सुवर्णाभिषेक केला जाईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.