मुंबई : केंद्रीय निवडणूक आयोगाने ठाकरे गटाला शिवसेना उद्धव बाळासाहेब ठाकरे हे नाव आणि मशाल हे निवडणूक चिन्ह जाहीर केलं. त्यानंतर ठाकरे गटाकडून मशाल चिन्ह मिळाल्यानं स्वागत करण्यात येतंय. तर शिंदे गटाला निवडणूक आयोगाने बाळासाहेबांची शिवसेना हे नाव दिल्याने सोशल मीडियात मीम्स व्हायरल होत आहेत.
(Balasahebanchi Shivsena Viral Video)
याशिवाय शिंदे गटाला आयोगाकडून बाळासाहेबांची शिवसेना असं नाव देण्यात आलंय. शिंदे गटाला मिळालेल्या या नव्या नावावरुन सोशल मीडियावर क्रिएटिव्ह डोक्यांनी बनवलेल्या फोटोंनी धुमाकूळ घातलाय. त्यातच काल आदित्य ठाकरेंनी बाळासाहेबांची शिवसेना या नावातील नेमके बाळासाहेब कोण? असा सवाल उपस्थित करुन शिंदे गटावर निशाणा साधला होता. त्यानंतर आता अनेक मीम्स व्हायरल होत आहेत.
बाळासाहेबांची शिवसेना असा आशय टाकून वेगवेगळ्या कॅरॅक्टरमध्ये असलेल्या बाळासाहेबांचे फोटो जोडण्यात आले आहेत. तर शिंदे गटासाठी अजून चिन्ह मिळालेले नाही. आज निवडणूक आयोगाकडून शिंदे गटाला चिन्ह मिळणार आहे. त्यासाठी शिंदे गटाने तीन पर्याय आयोगाला दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.