मुंबई : केंद्रीय निवडणूक आयोगाने शिवसेनेचे धनुष्यबाण हे निवडणूक चिन्ह गोठवल्यानंतर दोन्ही गटाकडून चिन्हे सादर करण्यात आली होती. निवडणूक आयोगाने शिंदे गटाची चिन्हे नाकारल्यानंतर शिंदे गटाकडून पुन्हा तीन चिन्हे निवडणूक आयोगाकडे सादर करण्यात आली आहेत. इमेल करून हे तीन पर्याय सादर करण्यात आली आहेत. तळपता सूर्य, ढाल तलवार आणि पिंपळाचे झाड हे तीन पर्याय शिंदे गटाकडून देण्यात आली आहेत.
(Eknath Shinde Group Submit Three arty Symbol to Election Commission)
दरम्यान, शिंदे गटाकडून रिक्षा हे चिन्ह सादर करण्यात येणार असल्याची चर्चा होती. दुसरे चिन्ह तुतारी फुंकणारा व्यक्ती आणि तिसरे चिन्ह शंख अशी चर्चा सध्या होत होती पण शिंदे गटाकडून तळपता सूर्य, ढाल तलवार आणि पिंपळाचे झाड हे तीन चिन्ह सादर करण्यात आली आहेत.
तर उद्धव ठाकरे गटाच्या शिवसेनेने तीन चिन्ह सादर केले होते. त्यामध्ये उगवता सूर्य, मशाल आणि त्रिशूळ असे तीन पर्याय दिले होते. त्यातील मशाल या चिन्हावर निवडणूक आयोगाने शिक्कामोर्तब केलं. त्यानंतर 'शिवसेना उद्धव बाळासाहेब ठाकरे' हे नाव ठाकरे गटाला देण्यात आले आहे. तर शिंदे गटाला 'बाळासाहेबांची शिवसेना' असं नाव देण्यात आलं आहे.
दरम्यान, निवडणूक आयोगाने दिलेल्या आदेशानुसार शिंदे गटानेही तीन चिन्ह सादर केले होते. त्यामध्ये उगवता सूर्य, त्रिशूळ आणि गदा हे तीन पर्याय दिले होते तर दोन्ही गटाने सादर केलेल्या चिन्हांपैकी दोन चिन्ह सारखे असल्यामुळे ते कुणालाच देण्यात आले नाहीत. गदा हे चिन्ह निवडणूक आयोगाने नाकारत शिंदे गटाला दुसरे पर्याय देण्यास सांगितलं होतं. त्यानंतर आता इमेल करत शिंदे गटाने तीन निवडणूक चिन्हे सादर केली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
