शिवसेनेला सत्तेत असतानाही धक्का; मनसेत इनकमिंग
मुंबई : शिवसेनेला सत्तेत असतानाही धक्का बसला असून महाराष्ट्र नवनिर्माण सेनेत इनकमिंगला सुरवात झाली आहे. शिवसेना नेते चंद्रकांत खैरे यांचे खंदे समर्थक सुहास दशरथे हे मनसेत प्रवेश करणार आहेत.
औरंगाबादमध्ये शिवसेनेला मोठा धक्का बसणार असून राज ठाकरे यांच्या हिंदुत्वाच्या मुद्यामुळे प्रवेश करणार असल्याचे सुहास दशरथे यांनी स्पष्ट केले आहे. सुहास दशरथे हे शिवसेनेचे औरंगाबाद लोकसभा संघटक आहेत. त्यांनी आज (ता.२०) कृष्णकुंजवर जाऊन मनसेप्रमुख राज ठाकरे यांची भेट घेतली.
सुहास दशरथे यांच्या माध्यमातून शिवसेनेसोबतच माजी खासदार आणि शिवसेना नेते चंद्रकांत खैरे यांना हा मोठा धक्का मानला जात आहे. राज ठाकरे यांनी आपली भूमिका थोडीशी बदल हिंदुत्ववादी भूमिका करण्याकडे त्यांचा कल दिसत आहे. आगामी काळात या गोष्टीचा त्यांना फायदा होईल असे बोलले जात आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.