'उदयनराजेंना रयतच्या बॉडीवर घ्या, शरद पवार आपोआप अध्यक्षपद सोडतील'|Sharad Pawar | Sakal
sakal

बोलून बातमी शोधा

Sharad Pawar-Udayanraje Rayat Shikshan Sanstha

'उदयनराजेंना रयतच्या बॉडीवर घ्या, शरद पवार आपोआप अध्यक्षपद सोडतील'

सातारा : ''रयत शिक्षण संस्थेचे (Rayat Shikshan Sanstha) काम बारामतीच्या एकाच माणसाला दिलं जातं. पात्रता नसलेल्या लोकांना संस्थेच्या बॉडीवर घेतले आहे. याचे मला दुःख वाटते. या संस्थेत नोकरी लावण्यासाठी ४० लाख रुपये मागितले जात असल्याची चर्चा आहे'', असे गंभीर आरोप शिवसेना आमदार महेश शिंदे (Shivsena MLA Mahesh Shinde) यांनी केला. उदयनराजेंना (MP UdayanRaje Bhosale) बॉडीवर घ्या. शरद पवार स्वतः जनतेचा विचार करून रयतचं अध्यक्षपद सोडतील, असंही ते म्हणाले.

हेही वाचा: राष्ट्रवादीची पेटलेली वात मशाल बनल्याशिवाय राहणार नाही : शशिकांत शिंदे

महेश शिंदे हे कोरेगावचे शिवसेना आमदार आहेत. पण, सरकारमधीलच घटकपक्षावर ते सातत्याने टीका करताना दिसतात. गेल्या काही दिवसांपासून त्यांनी रयत शिक्षण संस्थेच्या मुद्द्यावर थेट शरद पवारांना टार्गेट केल्याचं दिसतंय. तसेच उदयनराजे यांची बाजू घेताना दिसतात. यावेळीही त्यांनी पवारांवर जोरदार टीका केली. ''रयत शिक्षण संस्थेचं खासगीकरण झालं आहे. संस्थेचे संस्थापक कर्मवीर भाऊराव पाटील यांनी रयतची घटना लिहली होती. त्यामध्ये महाराष्ट्र राज्याचा मुख्यमंत्री संस्थेचे अध्यक्ष असावे, अशी भूमिका मांडली होती. मात्र, काही वर्षांपूर्वी महाराष्ट्राच्या मुख्यमंत्र्यांनी ती घटना बदलली'', असे गंभीर आरोप देखील त्यांनी यावेळी केले.

'उदयनराजेंना रयतच्या बॉडीवर घ्या' -

रयत संस्थेच्या मुख्यालयाला राजघराण्याने ही जागा दिली आहे. तरीही उदयनराजेंना रयतच्या बॉडीवर घेतले नाही. याबाबत राज्यातील जनतेत नाराजी आहे. फक्त राजकीय ताकदीमुळे ही संस्था ताब्यात घेतली असून हे चुकीचे आहे, असा आरोप करत उदयनराजेंना रयतच्या बॉडीवर घेण्याची मागणी शिंदे यांनी यावेळी केली.

शशिकांत शिंदेंनाही प्रत्युत्तर -

रयत शिक्षण संस्था आणि शरद पवार यांच्यावर टीका करणाऱ्या लोकांनी आपली उंची तपासावी, असा सल्ला आमदार शशिकांत शिंदे यांनी दिला होता. त्यालाही आमदार महेश शिंदे यांनी प्रत्युत्तर दिले. माझी उंची ६ फूट असून परवांची उंची माझ्यापेक्षा २ इंचाने मोठी आहे, असं महेश शिंदे म्हणाले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Sharad PawarShiv Sena
loading image
go to top