शिवसेनेला अजून एक धक्का, आमदार यामिनी जाधव सुरतेत दाखल

सुरत : शिवसेनेत झालेल्या बंडाच्या पार्श्वभूमिवर राज्यातील राजकीय वातावरण ढवळून निघाले आहे. राजकीय हालचालींना वेग आला असून शिवसेनेचे बंडखोर नेते एकनाथ शिंदे यांना शिवसेनेमधून पाठिंबा वाढताना दिसत आहे. आमदार यामिनी यशवंत जाधव आणि आमदार गीता जैन या देखील सुमारे ३५ आमदाराना सोबत घेत सुरत गाठलेल्या एकनाथ शिंदे यांना सामिल झाल्या आहेत. (shivsena mla yamini jadhav and geeta jain join eknath shinde in surat)

यामिनी यशवंत जाधव या मातोश्रीच्या जवळच्या समजल्या जातात तर गीता जैन या शिवसेना समर्थक अपक्ष आमदार आहेत. या दोघी देखील एकनाथ शिंदे यांना सामिल झाल्याने शिंदेंना शिवसेनेतून पाठींबा वाढत असल्याचे चित्र तयार झाले आहे. दरम्यान यामिनी जाधव यांचे पती आणि मुंबई महापालिकेच्या स्थायी समितीचे माजी अध्यक्ष यशवंत जाधव यांची यापूर्वी ईडी आणि आयकर विभागाकडून त्यांची अनेकदा चौकशी करण्यात आल आहे. तसेच त्यांना अटकही केली जाऊ शकते.

जे आमदार आज नाहीयेत त्यांनी नियम पाळले नाहीत तर त्यांची आमदारकी रद्द होईल त्यांना निवडणूकीला सामोरे जावे लागेल, त्यांचे राजकीय करिअर संपुष्टात येईल. ते आमचे सहकारी आहेत, एकनाथ शिंदे सहकारी, मित्र आहेत. ते परत येतील असा आम्हाला विश्वास आहे, तसेच खासदार संजय राऊत यांनी एकनाथ शिंदे आणि त्यांच्या सहकारी आमदारांना प्रेमाने परत या आम्ही तुमते स्वागत करू असे अवाहन केले आहे.