नितेश राणेंना अटक की जामीन? न्यायालय उद्या देणार निकाल | Sakal
sakal

बोलून बातमी शोधा

Sidhudurg Court on Nitesh Rane case

नितेश राणेंना अटक की जामीन? न्यायालय उद्या देणार निकाल

मुंबई : भाजप आमदार नितेश राणे (BJP MLA Nitesh Rane) यांच्या अटकपूर्व जामीन अर्जावर आज सिंधुदुर्ग जिल्हा सत्र न्यायालयात (Sindhudurg District Court) सुनावणी घेण्यात आली. यावेळी न्यायालयानं दोन्ही बाजूचा युक्तीवाद ऐकून घेतला. त्यानंतर न्यायालयानं निर्णय राखून ठेवला असून उद्या दुपारी ३ वाजता निकाल देण्यात येणार आहे.

हेही वाचा: नितेश राणे कोर्टात गेले शरण, राणे सिंधुदुर्ग जिल्हा कोर्टात हजर ;पाहा व्हिडीओ

न्यायालयानं आमचं म्हणणं ऐकून घेतलं आहे. उद्या निर्णय दिला जाणार आहे. सर्वोच्च न्यायालयानं आदेश दिल्यानंतर ते न्यायालयासमोर हजर झाले आहे. दोन्ही पक्षानं युक्तीवाद केला. उद्या सर्वांना न्यायालयात हजर राहण्यासाठी सांगितले. आम्ही न्यायालयाला असं निदर्शनास आणून दिलं, की आरोपी सर्वोच्च न्यायालयाच्या निर्देशानुसार एकदा न्यायालयासमोर हजर झाला म्हणजे कस्टडीत आला आहे. त्यामुळे आधी त्याला कोठडीत घेणं गरजेचं असल्याचं, सरकारी वकील प्रदीप घरत म्हणाले. आता नितेश राणेंना अटक होणार की जामीन मिळणार? याकडे सर्वांचं लक्ष लागलं आहे.

न्यायालयात नेमकं काय घडलं? -

न्यायालयानं आज दोन्ही बाजूंचा युक्तीवाद ऐकून घेतला. सरकारी वकिलांनी नितेश राणे शरण आले नसल्याचे निदर्शनास आणून दिले. त्यांनी सर्वोच्च न्यायालयानुसार शरण अर्ज दाखल केला नाही. त्यामुळे नितेश राणे यांना अटक करण्यात यावी, असा युक्तीवाद सरकारी वकिलांनी केला. त्यानंतर नितेश राणेंचे वकील सतीश मानशिंदे यांनी सरकारी वकिलाच्या मागणीला विरोध केला. सर्वोच्च न्यायालयानं दहा दिवसाचा वेळ दिला आहे. आमच्याकडे कायदेशीर प्रक्रियेसाठी वेळ आहे, असा युक्तीवाद मानशिंदे यांनी केला.

दरम्यान, संतोष परब हल्ला प्रकरणात सर्वोच्च न्यायालयाच्या निर्देशानुसार चार दिवसांपूर्वी नितेश राणे सिंधुदुर्ग जिल्हा न्यायालयात हजर झाले. त्याचवेळी त्यांनी अटकपूर्वी जामिनासाठी अर्ज केला होता. तब्बल चार दिवसांपासून या प्रकरणावर सुनावणी सुरू आहे.

Web Title: Sindhudurg District Court Will Give Final Decision On Nitest Rane Petition

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :BjpSindhudurgnitesh rane
go to top