Shivsena : निवडणुक आयोगावर शंभुराज देसाईंचा दृढ विश्वास म्हणाले, धनुष्यबाण चिन्ह ...

नेमकी शिवसेना कोणाची? या प्रश्नावरती गेल्या काही महिन्यांपासून राज्यातील राजकारण ढवळून निघालं. निवडणूक आयोगाने शिवसेना नाव आणि धनुष्यबाण चिन्हं गोठवलं. शिंदे आणि ठाकरे या दोन्ही गटांना वेगळी नावे आणि चिन्हे दिली. यावर सुप्रीम कोर्टात आणि आयोगासमोर यावर वाद सुरूच आहे. त्यानंतर शिवसेना पक्षावर कोणत्या गटाचा अधिकार राहील, या मुद्यावर सुरू असलेली सुनावणी आज पुन्हा केंद्रीय निवडणूक आयोगासमोर होत आहे.

आज कदाचित या निर्णयावर शिक्कामोर्तब होण्याची शक्यता वर्तविण्यात येत आहे. तर आजच्या सुनावणीच्या सुनावणीच्या पार्श्वभूमीवर शिवसेनेच्या शिंदे गटाचे नेते आणि मंत्री शंभुराज देसाई यांनी प्रतिक्रिया दिली आहे. केद्रीय निवडणुकांबाबत जे जे कागदपत्र, माहिती, पुरावे आम्हाला मागण्यात आले, तेते आम्ही सुपूर्द केलं आहे.

हे ही वाचा : भारतीयांनी जगाला डिजिटल पेमेंट शिकवायची आलीये वेळ...

आमच्याकडे आमदारांचे बहुमत, खासदाराचे बहुमत आणि पक्षातील जिल्हा प्रमुखाचे बहुमतही आहे. या सगळ्याबाबींचा विचार करून अधिकृतरित्या आम्हाला निवडणूक आयोग शिवसेनेचं धनुष्यबाण हे चिन्ह देईल असा विश्वास शिंदे गटाचे मंत्री शंभुराज देसाईंनी पत्रकार परिषदेत व्यक्त केला आहे.

एकनाथ शिंदे आणि 40 आमदार यांनी शिवसेनेत बंड केलं आणि ते बाहेर पडले. त्यांनी भाजपची साथ घेऊन नवीन सरकार स्थापन केलं आहे. त्यानंतर शिवसेना कोणाची आणि धनुष्यबाण चिन्हं कोणाचं याबाबत वाद निर्माण झाला. याच वादावर निवडणुक आयोग आणि सुप्रीम कोर्ट सुनावणी घेत आहे.