१० वी, १२ वीच्या परीक्षा पुढे ढकलणार ? शिक्षण मंडळ घेणार आढावा | Education update | Sakal
sakal

बोलून बातमी शोधा

exam
१० वी, १२ वीच्या परीक्षा पुढे ढकलणार ? शिक्षण मंडळ घेणार आढावा

१० वी, १२ वीच्या परीक्षा पुढे ढकलणार ? शिक्षण मंडळ घेणार आढावा

मुंबई : राज्यात मागील आठवड्यापासून कोरोनाची रूग्णसंख्या (corona patients) झपाट्याने वाढत असल्याने मार्च-एप्रिल दरम्यान राज्य शिक्षण मंडळाच्या (Maharashtra education board) होणाऱ्या लेखी परीक्षासाठी (written exam) लवकरच आढावा घेतला जाणार आहे. शिक्षण मंडळाकडून या परीक्षा ऑफलाईन (offline) पद्धतीने घेतल्या जाणारी असून त्यासाठीचे वेळापत्रकही मागील महिन्यापूर्वी जाहीर करण्यात आले आहे. (ssc and hsc exams postponed possibilities as education board about to review)

हेही वाचा: मुंबई कोरोनाच्या विळख्यात; चार वॉर्ड्स कोरोना हॉटस्पॉट!

मुंबई, ठाणे आदी महापालिका क्षेत्रात दहावी आणि बारावीचे वर्ग आणि शाळा सुरू असल्या तरी येत्या काही दिवसांत कोरोनाच्या नव्या व्हेरिएंटमुळे परिस्थिती बिघडण्याची भीती मंडळातील अधिकाऱ्यांनाही सतावत आहे. त्यामुळेच येत्या काही दिवसांत मंडळाच्या नऊ विभागीय मंडळातील परिस्थितीचा आढावा घेतला जाणार आहे. मात्र या परीक्षांमध्ये बदल करण्याचा कोणताही विचार सध्या मंडळापुढे नसल्याचे मंडळातील वरिष्ठ अधिकाऱ्यांकडून सांगण्यात आले.

राज्य शिक्षण मंडळाने जाहीर केलेल्या वेळापत्रकानुसार ४ मार्चपासून बारावीची तर १५ मार्चपासून दहावीची लेखी परीक्षा होणार आहेत. तर २५ फेब्रुवारी ते १४ मार्च या कालावधीत दहावीच्या आणि १४ फेब्रुवारी ते ३ मार्च या कालावधीपर्यंत तोंडी व प्रात्यक्षिक परीक्षांची सुरूवात होणार आहे. राज्यातील शाळा-महाविद्यालयांमध्ये या परीक्षेच्या सदंर्भात तयारीही सुरू असून अनेक शाळांनी आपला अभ्यासक्रम पूर्ण करून विद्यार्थ्यांना वाचनासाठी अधिकचा वेळ देण्यासाठीचे नियोजन केले आहे. मात्र याच काळात कोरोनाचा कहर वाढत असल्याने शिक्षण मंडळाकडून राज्यातील नऊ मंडळातील परिस्थितीचा आढावा घेतला जाणार असल्याचे सांगण्यात आले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :exameducation
loading image
go to top