supreme court : मोठी बातमी! सत्ता संघर्षाची सुनावणी १२ तारखेला होण्याची शक्यता

Supreme Court Latest News मुंबई : महाराष्ट्रातील सत्ता संघर्षावर सोमवारी (ता. ८) सुनावणी होणार होती. मात्र, ही सुनावणी आता शुक्रवारी (ता. १२) होणार असल्याची माहिती आहे. सुनावणीसाठी जे खंडपीठ बसणार होते, ते सोमवारी बसणार नसल्याची माहिती आहे. यामुळे राज्य सरकारला सुप्रीम कोर्टाच्या (Supreme Court) निर्णयाची आणखी चार दिवस वाट पाहावी लागणार आहे.

महाराष्ट्रातील सत्ता संघर्षाकडे राजकारण्यांपासून सामान्य नागरिकांचे लक्ष लागले आहे. यामुळेच जवळपास दीड महिना होत असतानाही राज्य सरकारच्या मंत्रिमंडळाचा विस्तार (Cabinet Expansion) करण्यात आलेला नाही. सुप्रीम कोर्टाच्या (Supreme Court) निर्णयानंतरच विस्तार होईल, असे वृत्त असताना सुनावणी लांबल्याने आणखी वाट पाहावी लागणार आहे.

सरन्यायाधीशांच्या अध्यक्षतेखाली जे खंडपीठ सोमवारी बसणार होते ते सोमवारी बसणार नसल्याची माहिती आहे. ते खंडपीठ आता शुक्रवारी बसणार असल्याची माहिती आहे. यामुळे राज्य सरकारला १६ बंडखोर आमदारांचे निलंबन, निवडणूक आयोग, शिवसेना (Shiv sena) पक्ष कोणाचा, चिन्ह कोणाचे या सर्वांच्या निर्णयासाठी आणखी वाट पाहावी लागणार आहे.

शिदे गट व उद्धव ठाकरे यांच्या गटाने सुप्रीम कोर्टात याचिका टाकल्यापासून आजवर अनेक तारखा देण्यात आल्या आहेत. मात्र, सुप्रीम कोर्टाने निर्णय दिलेला नाही. निर्णय न आल्याने मंत्रिमंडळाचा विस्तारही होऊ शकलेला नाही. दुसरीकडे प्रतीक्षा वाढतच जात आहे. मागच्या सुनावणीत सुप्रीम कोर्टाने ८ ऑगस्ट ही तारीख दिली होती.

मात्र, आता ८ ऑगस्टला सुनावणी होणार नसल्याची माहिती सूत्रांकडून प्राप्त झाली आहे. ही सुनावणी शुक्रवारी म्हणजे १२ ऑगस्ट रोजी होणार असल्याचे समजते. यामुळे राजकीय पक्षांना आणखी चार दिवस आणखी जास्त वाट पाहावी लागणार आहे. सुनावणी लांबल्याने मंत्रिमंडळाचा विस्तारही लांबतो का? हेच आता पाहावे लागणार आहे.