शिवसेना प्रवेशाच्या पूर्वसंध्येलाच अंधारे आक्रमक; म्हणाल्या, शेंडी-जाणव्याचं...

Sushma Andhare will join Shiv Sena tomorrow
Sushma Andhare will join Shiv Sena tomorrow

मुंबई - निम्याहून अधिक शिवसेना रिकामी झाली असताना आणि शिवसेनेच्या अस्तित्वाचा प्रश्न निर्माण झालेला असताना राष्ट्रवादी काँग्रेसच्या नेत्या सुषमा अंधारे शिवसेनेत प्रवेश करणार असल्याचं निश्चित झालं आहे. गुरुवारी सकाळी १२ वाजता त्या उद्धव ठाकरे यांच्या उपस्थितीत शिवसेनेत प्रवेश करणार आहे. मात्र प्रवेशाच्या पूर्वसंध्येलाच अंधारे यांनी सत्ताधाऱ्यांवर हल्लाबोल केला आहे. (Sushma Andhare news in Marathi)

Sushma Andhare will join Shiv Sena tomorrow
'शिवसेना पक्षप्रमुख' उल्लेख टाळत CM शिंदेंनी ठाकरेंना दिल्या वाढदिवसाच्या शुभेच्छा

शिवसेनेला आणि संपूर्ण शिवसेना कुटुंबाला माझी गरज आहे. तर शिवसेनेची गरज संपूर्ण महाराष्ट्राला आहे. आता याक्षणी मी हा निर्णय घेणं गरजेचं आहे. तसेच माझ्यावर ईडी, किंवा सीबीआयची चौकशी नाही. त्यामुळे मला भीती वाटण्यासारख काहीही नाही, असं अंधारे यांनी म्हटलं.

दरम्यान शिवसेना पक्षप्रमुख उद्धव ठाकरे यांनी अनेकदा सांगितलं की, माझं हिंदुत्व शेंडी-जाणव्याचं नाही. माझं हिंदुत्व मॉब लिंचिंग करणारं नाही, केतकी, कंगना, नुपूर यांना पाठिशी घालणारंही नाही, असंही उद्धव ठाकरे यांनी सांगितल्याचं म्हणत अंधारे यांनी भाजपसह शिंदे गटावर टीका केली.

Sushma Andhare will join Shiv Sena tomorrow
उद्धव ठाकरे आणि स्मिता ठाकरे यांच्यात मतभेद का झाले?

सध्या शिवसेना कोणाची यावरून पेच निर्माण झालेला आहे. निवडणूक आयोगाने शिवसेना आणि एकनाथ शिंदे गटाला पुरावे सादर करण्याचे निर्देश दिले आहेत. त्यामुळे पुढे काय होणार हे पाहणं औत्सुक्य ठरणार आहे. मात्र अशा स्थितीत देखील अंधारे यांनी शिवसेनेत प्रवेश करण्याचा निर्णय घेणे धाडसाचं मानल जात आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com