TET आणि MHADA परीक्षा घोटाळ्यातील आरोपींना कोरोनाची लागण|TET MHADA Exam Scam | Sakal
sakal

बोलून बातमी शोधा

TET And MHADA Exam Scam Accused Corona Positive

TET आणि MHADA परीक्षा घोटाळ्यातील आरोपींना कोरोनाची लागण

पुणे : टीईटी आणि म्हाडा परीक्षेतील घोटाळ्याप्रकरणी (TET And MHADA Exam Scam) अटकेत असलेल्या पाच आरोपींना कोरोनाची लागण (TET And MHADA Exam Scam Accused Corona Positive) झाली आहे. तसेच त्यांच्या संपर्कात असलेल्या पोलिस कर्मचाऱ्याची कोरोना चाचणी देखील पॉझिटिव्ह आली आहे.

हेही वाचा: कसा झाला TET परिक्षेचा घोटाळा ;पाहा व्हिडिओ

टीईटी आणि म्हाडा परीक्षेत घोटाळा केल्याप्रकरणी महाराष्ट्र राज्य परिक्षा परिषदेचे आयुक्त तुकाराम सुपे यांच्यासह शिवकुमार, आश्विनकुमार, आशुतोष शर्मा, निशीद गायकवाड, राहुल लिघोट यांना अटक करण्यात आली आहे. सध्या हे पाचही आरोपी अटकेत असून त्यांना कोरोनाची लागण झाल्याची माहिती आहे. तसेच पाचही जणांना कोरोनाची सौम्य लक्षणं असल्याचीही माहिती मिळतेय.

काही दिवसांपूर्वी टीईटी आणि म्हाडाचा पेपर फोडण्याचा प्रयत्न करण्यात आला होता. त्यामुळे परीक्षा वेळेवर रद्द करण्यात आली होती. विद्यार्थ्यांना संताप व्यक्त केला होता. पण, यामध्ये मोठा घोटाळा असल्याचे समोर आले होते. राज्य सरकारने कसून चौकशी केली असता याप्रकरणी पाच जणांना अटक करण्यात आली होती.

दरम्यान, महाराष्ट्रात कोरोनाची आकडेवारी झपाट्यानं वाढत आहे. देशातील ओमिक्रॉनबाधित रुग्णांपैकी सर्वाधिक रुग्ण एकट्या महाराष्ट्रात आहे. त्यापैकी मुंबई आणि पुण्यात सर्वाधिक कोरोनाचे रुग्ण आहेत. तसेच राज्यातील पोलिस देखील कोरोनाच्या विळख्यात सापडले आहेत. हे पाचही आरोपी कोरोनाबाधित पोलिसाच्या संपर्कात आल्यामुळे त्यांनाही लागण झाली असावी, असं बोलले जात आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Coronavirus
loading image
go to top