Shivsena: ठाकरेंचा CM शिंदेंना मोठा धक्का! रत्नागिरीतील सभेपूर्वीच बड्या नेत्याचा ठाकरे गटात प्रवेश

राज्यात सत्तांतर झाल्यानंतर इतर पक्षातून शिंदे गटाकडे आणि भाजपकडे जोरदार इनकमिंग सुरू आहे. अशातच गेल्या अनेक दिवसांपासून ठाकरे गटातून शिंदे गटात जोरदार इनकमिंग सुरू आहे. ठाकरे गटातील आणखी काही आमदार शिंदे गटात जाणार असल्याचा दावा शिंदे गटातील नेते करताना दिसत आहेत. मात्र रत्नागिरी जिल्ह्यात वेगळं चित्र दिसून येत आहे.

दापोलीमध्ये ठाकरे गटाने शिंदेच्या शिवसेनेला जोरदार धक्का दिला आहे. शिंदे गटाचे आमदार योगेश कदम यांचे कट्टर समर्थक आणि दापोली नगपंचायतचे माजी उपनगराध्यक्ष प्रशांत कुसाळकर यांनी ठाकरे गटात प्रवेश केला आहे. हा शिंदे गटासाठी मोठा धक्का मानला जातोय.

दापोली नगरपंचायतीचे माजी उपनगराध्यक्ष प्रशांत कुसाळकर हे आमदार योगेश कदम यांचे कट्टर समर्थक आहेत. मात्र कुसाळकर यांनी आता ठाकरे गटात प्रवेशाने हा शिंदे गटासोबतच योगेश कदम यांच्यासाठी देखील मोठा धक्का मानला जात आहे. कुसाळकर यांनी ठाकरे गटात प्रवेश केल्यानंतर जिल्ह्यातील राजकीय वर्तुळात चर्चेला उधाण आलं आहे. यापूर्वी देखील ठाकरे गटाने जिल्ह्यात शिंदे गटाला धक्के दिले आहेत.

काही दिवसांपूर्वी रत्नागिरी जिल्ह्यातील खेडमध्ये ठाकरे गटाची मोठी सभा झाली. या सभेला प्रत्युत्तर देण्यासाठी शिंदे गटाने आज खेड येथील गोळीबार मैदानात सभेचं आयोजन केलं आहे. या सभेचा टिझर देखील जारी करण्यात आला आहे. मात्र सभेपूर्वीच एकनाथ शिंदे यांना रत्नागिरी जिल्ह्यात मोठा धक्का मानला जात आहे.

काही दिवसांपूर्वीच उद्धव ठाकरेंच्या सभेवेळी माजी आमदार संजय कदम यांनी ठाकरे गटात प्रवेश केला होता. शिंदे गटाचे नेते रामदास कदम यांना जिल्ह्यात आव्हान देण्यासाठी ठाकरे गटाकडून रणनिती आखण्यात येत असून, याच पार्श्वभूमीवर संजय कदम यांचा पक्षप्रवेश महत्त्वाचा मानला जात आहे.