Dasara Melava: मंत्रीपद जातील, पण गद्दारीच्या शिक्क्याचं काय? ठाकरेंचा सवाल

मुंबई - बहुचर्चित दसरा मेळाव्यात शिवसेना पक्षप्रमुख उद्धव ठाकरे यांनी एकनाथ शिंदे गटावर पहिल्या शब्दापासून हल्लाबोल चढवला. उद्धव यांनी पुन्हा एकदा शिंदे गटाला गद्दार म्हटलं. (Uddhav Thackeray news in Marathi)

उद्धव म्हणाले की, विजयादशमीच्या शुभेच्छा देत असताना गेल्या अनेक वर्षांची परंपरा आणि दसरा मेळावा माझ्या लक्षात आहे. मात्र आजचा मेळावा हा अभुतपूर्व आहे. मी मनापासून सांगतो भारावून गेलो आहे. पण मी खरच किती बोलू शकेल शब्द सुचत नाही. हे विकत मिळत नसतं. ही कोरडी गर्दी नाही. अंतकरणापासून आलेली गर्दी आहे. मी पहिल्यांदा आपल्यासमोर नतमस्तक होतो, असही ठाकरे यांनी म्हटलं.

जनतेचं हेच ते प्रेम आहे ज्यानं प्रत्येकवेळी मनगटाचं संरक्षण केलं. ज्यांनी गद्दारी केली. होय मी त्यांना गद्दारच म्हणणार. तुमची मंत्रीपदं काही दिवसात जातील. पण , कपाळावरील गद्दारीचा शिक्का पुसता येणार नाही. या जन्मी तरी नाही, अशी टीका उद्धव यांनी केली.

ज्यांना आपण मंत्रीपदं दिलीत, ज्यांना दिलं ते नाराज झाले. पण ज्यांना मी काही देऊ शकलो नाही ते आजही माझ्यासोबत आहेत. शिवसेना एकट्याची नाही...तुम्ही जेव्हा सांगाल मला की तुम्ही जावा मी जाईल, असंही उद्धव ठाकरे म्हणाले.