Nitin Gadkari : "विरोधीपक्ष नेता असताना..." ; जुन्या आठवणी सांगताना नितीन गडकरी भावूक

Nitin Gadkari : केंद्रीय मंत्री नितीन गडकरी यांनी काही जुन्या आठवणींना उजाळा दिला. २००४ साली झालेल्या एका अपघाताच्या घटनेने गडकरी भावूक झाले. ते एका कार्यक्रमात बोलत होते.

नितीन गडकरी म्हणाले, "माझ्या आयुष्यातील घटना आहे की २००४ मध्ये महाराष्ट्रामध्ये विरोधी पक्षनेता असताना पोलीस संरक्षणामध्ये माझा अपघात झाला होता. लाल दिव्याची गाडी होती. सोबत माझा सर्व परिवार होता. गार्ड सोबत होते. समोर दोन-तीन गाड्या, मागे चार-पाच गाड्या यावेळी अपघात झाला. गाडी पूर्ण ट्रकच्या खाली गेली होती. ज्यांनी गाडी पाहीली त्यांचा विश्वासचं बसला नाही की कोणी जिवंत राहीलं असेल. मात्र मी आणि माझा परिवार सुखरूप बचावलो."

मला एकाने विचारलं हे कसं झालं. तर मी १९८० ला आमदार झालो तेव्हापासून आजपर्यंत जवळपास ३० ते ३५ हजार हार्टचे ऑपरेशन मोफत करुन देण्याचा उपक्रम केला. ज्यावेळी गरीब लोक माझ्याकडे येतात. ते माझ्यासोबत फोटो काढतात. त्यांच्या डोळ्यात अश्रू असतात. ते आशीर्वाद देऊन जातात. त्यामुळे मी या गोष्टीवर विश्वास ठेवतो की ते लोक जो आशीर्वाद देऊन जातात. त्यामुळेचं माझे प्राण वाचले, असे गडकरी यांनी सांगितले.