लोकलची अभंगवारी; लोकलमधील तरूणाचा 'हा' व्हिडिओ होतोय व्हायरल

मुंबई : मुंबई लोकल प्रवासात अनेकदा टाळ आणि भजनाचा आवाज तुमच्या कानावर आला असेल, लोकलमध्ये भजन गाऊन प्रवाशांना मंत्रमुग्ध करणाऱ्या तरुणाचा आणि त्यांच्या ग्रुपचा व्हिडिओ सध्या सोशल मीडियावर व्हायरल होतोय. अविनाश अंब्रे असं या तरूणांच नाव असून तो मुंबईचा रहिवाशी आहे.

(Avinash Ambre Local Bhajan Viral Video)

त्याच्या लोकलमधील गोड आवाजातील या भजनाने लोकांना मंत्रमुग्ध करून टाकलं असून हा व्हिडिओ सध्या प्रचंड व्हायरल होत आहे. "कृपाळू हा पंढरीनाथ, माझ्या वडिलांचे दैवत..." हा अभंग त्यांनी मुंबईच्या लोकलमध्ये गायला आहे. टाळाच्या तालावर या अभंगाला आणखीनच रंगत आल्याचं दिसत आहे.

लोकलमध्ये अनेकवेळा आपण काही नागरिकांचा ग्रुप भजन गाताना पाहिलं असेल. मुंबईचे डबेवालेसुद्धा अनेकवेळा भजन गाताना दिसतात. आविनाश अंब्रे या तरूणाचा व्हिडिओ सध्या सोशल मीडियात व्हायरल होत असून या व्हिडिओवर लाईक्स आणि कमेंटचा पाऊस पडत आहे.