कारंजा : तालुक्यातील काकडशिवनी येथे एका युवकाला धरणात पोहण्याचा मोह जीवावर बेतल्याची धक्कादायक घटना समोर आली आहे. लग्न समारंभात पाहूणा म्हणून आलेल्या यवतमाळ येथील युवकाला धरणात पोहण्याचा मोह झाला. गेल्या दोन दिवसांपासून मृत युवक व त्याचे सोबती पारवा कोहर येथील धरणावर पोहण्यास येत होते. २३ मे रोजी सुध्दा तीन ते चार जण पोहायला आले असता यावेळी यवतमाळ येथील रहिवासी दिनेश सावळे याचा बुडून मृत्यू झाला.