Dhananjay Munde: करुणा मुंडे यांनी दाखल केलेल्या याचिकेवर सुनावणी करताना वांद्रे कौटुंबिक न्यायालयाने मंत्री धनंजय मुंडे यांना घरगुती हिंसाचार प्रकरणी दोषी ठरवलं आहे. करुणा मुंडे यांना दरमहा २ लाख रुपयांची पोटगी द्यावी असे आदेशही न्यायालयाने दिले आहेत. एका बाजूला संतोष देशमुख हत्या प्रकरण, कृषी विभागात घोटाळा यावरून धनंजय मुंडे यांच्या राजीनाम्याची मागणी होत असताना घरगुती हिंसाचार प्रकरणी दोषी ठरल्यानं धनंजय मुंडे यांच्या अडचणींमध्ये आणखी वाढ झाली आहे.
