मुंबई : मंत्री आणि राष्ट्रवादी काँग्रेसचे नेते धनंजय मुंडे यांना घरगुती हिंसाचार प्रकरणात वांद्रे कौटुंबिक न्यायालयानं आज दोषी ठरवलं. त्यामुळं आधीच संतोष देशमुख प्रकरणात त्यांच्या राजीनाम्याची मागणी होत असताना त्यांच्या अडचणीत आणखीनच वाढ झाली आहे. वांद्रे कोर्टानं करुणा मुंडे यांचे आरोप अशतः मान्य करत धनंजय मुंडे यांना एकूण २ लाख रुपयांची पोटगी देण्याचे आदेश दिले आहेत.
