विकिपिडियाने घातला घोळ; शिंदे गटाचे आमदार डायरेक्ट भाजपमध्ये

विकिपिडियाने घातला घोळ; शिंदे गटाचे आमदार डायरेक्ट भाजपमध्ये

मुंबई : गुगल सर्च रिझल्टमध्ये शंदे गटाच्या चार मंत्र्याना भाजपमध्ये दाखवण्यात आलं आहे. त्यामुळे राजकीय वर्तुळात आता चर्चा सुरू झाली आहे. शिंदे गटातील मंत्री संदिपान भुमरे, उदय सामंत, गुलाबराव पाटील आणि संजय राठोड यांच्या नावापुढे भारतीय जनता पार्टी असं दाखवण्यात येत आहे. दरम्यान, हा खो़डसाळपणा कुणी केला असाही संतप्त सवाल उपस्थित केला जात आहे.

भाजपमध्ये असल्याचं दाखवत असलेल्या या मंत्र्यांनी दोन दिवसापूर्वी मंत्रिपदाची शपथ घेतली होती. त्यानंतर आता गुगल सर्च रिझल्टमध्ये त्यांचा पक्ष भारतीय जनता पार्टी असल्याचं दाखवत आहे.

दरम्यान, महाराष्ट्रात सत्तांतर झाल्यानंतर अखेर पहिल्या टप्प्यातील मंत्रिमंडळाचा विस्तार पार पडला आहे. त्यामध्ये एकनाथ शिंदे गटाच्या ९ आणि भाजपच्या ९ आमदारांनी मंत्रिपदाची शपथ घेतली आहे. त्यानंतर आता विधिमंडळाचे अधिवेशन १७ ऑगस्टपासून सुरू होणार आहे. अधिवेशन संपल्यावर दुसऱ्या टप्प्यातील मंत्रिमंडळ विस्तार होणार असल्याचं सांगितलं जात आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com