Yavatmal Crime News: यवतमाळमधून एक अतिशय धक्कादायक बातमी समोर आली आहे. येथील एका जिल्हापरिषदेच्या शाळेतील स्वच्छतागृहात इयत्ता तिसरीत शिकणाऱ्या मुलीवर अतिप्रसंग झाला आहे. धक्कादायक बाब म्हणजे या घटनेतील आरोपीला वर्गातील मुलीनेच मदत केल्याचे समोर आले आहे. याप्रकरणी पोलिसांनी पॉस्को अंतर्गत गुन्हा दाखल केला आहे.
आरोपी मुलगा अन् मदत करणाऱ्या मुलीस अटक करण्यात आली असून, त्यांची बालसुधारगृहात रवानगी केली गेली आहे. तर ही संतापजनक घटना उघडकीस आल्यानंतर यवतमाळमध्ये एकच खळबळ उडाली आहे. पीडित मुलीच्या वर्गातच आरोपी मुलगा आणि त्याला मदत करणारी मुलगी देखील शिकत होती.
ही घटना १ ऑगस्ट रोजी दुपारी बाभूळगाव तालुक्यातील एका गावात घडली. तर याप्रकरणी मुलीच्या आईने दिलेल्या तक्रारीवरून पोलिसांनी या प्रकरणात आरोपी मुलगा आणि मुलगी या दोघांविरोधात पॉक्सोअंतर्गत गुन्हा दाखल केला.
पीडित मुलीला लघवीच्या जागेवर जखम झाल्याने तिने हा प्रकार तिच्या आईला सांगितला. पीडित मुलीची प्रकृती बिघडल्याने तिला यवतमाळ येथील शासकीय रुग्णालयात दाखल करण्यात आले होते. तर आईने बाभूळगाव पोलिस ठाणे गाठून तक्रार दिली. पोलिसांनी पीडित मुलीच्या जबाबावरून पॉक्सोन्वये गुन्हा नोंद करण्यात आला आहे. आरोपी मुलाला यवतमाळ येथील बाल निरीक्षणगृहात ठेवण्यात आले आहे, तर मुलीला अमरावती येथील बाल निरीक्षणगृहात ठेवले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
