राज्यात दोन दिवस पाऊस, पुन्हा उष्णतेची लाट; हवामान विभागाचा अंदाज

राज्यात पुढचे दोन दिवस पुन्हा एकदा पाऊस हजेरी लावणार आहे. कोकण आणि मध्य महाराष्ट्रात तुरळक ठिकाणी पाऊस पडण्याची शक्यता असून काही ठिकाणी मेघगर्जनेसह विजांच्या कडकडाटाची शक्यता वर्तवण्यात येत आहे. त्यानंतर पुढचे पाच दिवस उष्णतेच्या लाटेची शक्यता हवामान विभागाने वर्तवली आहे. (Maharashtra Weather Updates)

आज कोकण, मध्य महाराष्ट्र, मराठवाडा भागांमध्ये तुरळक ठिकाणी पाऊस पडेल. तर मेघगर्जनेसह वीजांच्या कडकडाटाची शक्यताही वर्तवण्यात येत आहे. विदर्भात मात्र हवामान कोरडं राहील. पण तिथे उष्णतेच्या लाटेची शक्यता वर्तवण्यात येत आहे. पुढचे काही दिवस विदर्भात हवामान कोरडंच राहणार असून उष्णतेच्या लाटेची शक्यता वर्तवण्यात येत आहे.

२९ एप्रिल पासून मध्य महाराष्ट्र तसंच विदर्भातमध्ये हवामान कोरडं राहणार असून उष्णतेच्या लाटेची शक्यता वर्तवण्यात येत आहे. कोकणात मात्र तुरळक ठिकाणी पाऊस कायम असून मराठवाड्यातलं हवामान कोरडं राहील.