Aai Kuthe Kay Karte: अरूंधतीच्या नव्या संसारात विघ्न! घरावर झाला हल्ला; आता समोर येणार वीणाचा भूतकाळ..

Aai Kuthe Kay Karte Marathi Serial Latest Update : आई कुठे काय करते मालिका सध्या उत्कंठावर्धक वळणार आहे. या मालिकेत रोज नवा ट्विस्ट येत आहे. त्यात अरूंधतीचे दुसरे लग्न आणि वीणाची एंट्री यामुळे मालिका टीआरपी मध्ये देखील पुढे आली आहे.

मालिकेत काही दिवसांपुर्वीची आशुतोषची बहीण वीणाची एंट्री झालीय. वीणा ही अनिरुद्धची बिझनेस पार्टनर आहे. शिवाय तिचा अनिरुद्धवर प्रचंड विश्वास आहे. एवढेच नाही तर त्यांच्यात आता मैत्रीचे संबंध बहरू लागले आहेत.

नुकतेच आपण पाहिले की वीणामुळे संजना आणि अनिरुद्ध यांच्यातील संबंधही बिघडले आहेत. वीणामुळे एकीकडे अरुंधती आणि संजनाच्या संसाराची वाताहात होत असतानाच आता वीणाचा भूतकाळ समोर येणार आहे.

( Aai Kuthe Kay Karte latest update aniruddha forgot sanjana's birthday and celebrating success with veena)

झाले असे की वीणा हट्ट करून अरुंधती आणि सुलेखा ताईंना पाणीपुरी खायला नेते. त्यानंतर वीणाच्या फोनवर एक मेसेज येतो आणि ती पुन्हा बिथरते. घरी आल्यावरही ती प्रचंड घाबरलेली असते, अरूंधती तीला धीर देते. पण वीणा प्रचंड घाबरलेली असतानाच केळकरांच्या घरावर हल्ला होता.

याबाबतचा एक प्रोमो नुकताच समोर आला आहे त्यामध्ये अरूंधतीच्या नव्या घरी म्हणजे आशुतोष केळकरच्या घरावर हल्ला होताना दाखवला आहे. अरुंधती, वीणा, नितीन, सुलेखा ताई सगळे घरात असतानाच त्यांच्या घरावर हल्ला होतो.

कुणीतरी बाहेरून त्यांच्या घरावर दगडफेक करतं, त्यांच्या काचा फोडतं. एवढंच नाही तर कुणीतरी त्यांच्या दारावर येऊनही हल्ला करायचा प्रयत्न करत..हे हल्ल्यामुळे घरातले सगळेच घाबरतात. यामध्ये वीणालाही मोठा मानसिक धक्का बसलेला असतो.

मग नितीन धीर एकवटून हातात काठी घेऊन दारावर जातो, आणि दार उघडतो. आता दारावर कोण असेल? कुणी केला असेल हा हल्ला हे उघड होणार आहे. पण या हल्ल्यामुळे अरूंधतीवरील संकट अधिकच वाढणार आहे.

असं म्हणतात की, आता मालिकेत महत्वाचा ट्रॅक येणार आहे. ज्यामध्ये वीणाचा भूतकाळ उलगडणार आहे. आता काय असेल वीणाचा भूतकाळ.. कोण असेल तिचा पती.. हे पाहणे उत्कंठा वर्धक असणार आहे.

सध्या हा व्हिडिओ प्रचंड व्हायरल होत असून प्रेक्षकांना अता नव्या भागाची उत्सुकता लागली आहे.