Ira Khan Wedding Invitation: लग्नाला यायचं तर ते कोडं सोडवावं लागणार, आमिरच्या लेकीच्या लग्नपत्रिकेनं वेधलं लक्ष

 Ira Khan Wedding Invitation: आमिर खानची मुलगी इरा खान ही सध्या तिच्या लग्नामुळे चर्तेत आहे. इरानं तिचा बॉयफ्रेंड नुपूर शिखरेसोबत गेल्या वर्षी एंगेजमेंट केली होती. आता ती नुपूरसोबत जानेवारी 2024 मध्ये लग्नगाठ बांधणार आहे.

सध्या इरा आणि नुपूर लग्नापुर्वीचे विधी करत आहेत. काही दिवसांपुर्वी इराच्या केळवणाचे फोटोही सोशल मिडियावर व्हायरल झाले होते. आता दोघेही त्यांच्या लग्नाच्या तयारी व्यस्त आहेत.

आता इरा खान लग्नाच्या तयारीत व्यस्त आहे आणि तिने आता तिच्या लग्नाची पत्रिका पाठवण्यास सुरुवात केली आहे. इराने तिच्या मैत्रिणींना पाठवलेल्या लग्नाच्या कार्डावरील प्रतिक्रियाही शेअर केल्या आहेत.

इरा खान-नुपूरच्या लग्नाला थोडेच दिवस शिल्लक आहेत. त्यात इरा खान-नुपूर यांनी मित्रांना लग्नाची पत्रिका पाठवण्यास सुरुवात केली आहे. आता सध्या या दोघांच्या लग्न पत्रिकेने सर्वांचे लक्ष वेधले आहे.

इरा खानने सोशल मीडियावर एक व्हिडिओ शेअर केला आहे, ज्यामध्ये तिच्या लग्नाच्या पत्रिकेची झलक पाहायला मिळत आहे. इरा खान-नूपूर शिखरेची लग्नपत्रिका पाहून चाहतेही थोडे चक्रावले आहेत.

इरा खान-नुपूर शिखरे यांनी आपल्या मित्रांना अनोख्या शैलीत लग्नाची निमंत्रण पत्रिका पाठवली आहेत. या लग्नपत्रिकेत एक कोडे पाठवले जे त्यांना कॅमेऱ्यासमोर सोडवायचे आहे. व्हिडिओ शेअर करत इराने एक लांबलचक नोटही लिहिली आहे.

आमिरची लेक इरा 3 जानेवारी 2024 रोजी तिचा बॉयफ्रेंड आणि फिटनेस ट्रेनर नुपूर शिखरेसोबत लग्नबंधनात अडकणार आहे. आमिरने सांगितले होते की तिने 3 जानेवारी ही तिच्या लग्नाची तारीख निवडली कारण ती या तारखेला नुपूरसोबत डेटवर गेली होती.