Swara Bhaskar : "...बाकी सगळी फॉर्मलिटी!", कंगना रणौतने स्वराला दिल्या लग्नाच्या शुभेच्छा; म्हणाली...

अभिनेत्री स्वरा भास्कर नुकतीच लग्नबंधनात अडकली आहे. तिने समाजवादी पक्षाचे नेते फहद अहमद यांच्याशी लग्नगाठ बांधली आहे. अभिनेत्री कंगना रणौत हिने स्वरा भास्करला शुभेच्छा दिल्या आहेत.

अभिनेत्री कंगना रणौतने ट्वीट करत स्वरा भास्करला शुभेच्छा दिल्या आहेत. आपल्या ट्वीटमध्ये कंगना म्हणते,"देवाच्या कृपेने तुम्ही दोघे एकत्र खूप खूष दिसत आहात. लग्नं ही मनांची जुळतात, बाकी सगळी औपचारिकता असते."

अभिनेत्री स्वरा भास्करने समाजवादी पार्टीचे नेते फहद अहमद यांच्याशी काल नोंदणी पद्धतीने विवाह केला. या विवाहाचे फोटो तिने सोशल मीडियावर शेअर केले आहेत. कालपासूनच तिच्या लग्नाची जोरदार चर्चा सुरू आहे. ट्वीटरवर ती ट्रेंडही होत आहे.