Varun Dhawan: आगामी सिनेमाचं शुटींग करताना वरुणला दुखापत, पोस्ट शेअर करुन दिली माहिती

Varun Dhawan Injury News: बॉलिवूडमधील सुप्रसिद्ध अभिनेता वरुण धवन हा सर्वांचा लाडका अभिनेता. वरुणने आजवर अनेक सिनेमांमधून अभिनेता म्हणून स्वतःची छाप पाडली आहे. अशातच वरुण धवनच्या फॅन्ससाठी चिंताजनक बातमी समोर आलीय.

आगामी सिनेमाच्या सेटवर शूटींग करताना वरुणला दुखापत झाल्याची गोष्ट समोर आलीय. काय झालंय नेमकं. जाणून घ्या.

वरुण धवनला शूटींग करताना दुखापत

वरुण धवन आगामी सिनेमाचं शुटींग करत होता. त्यावेळी शूटींग करताना वरुणच्या पायाला गंभीर दुखापत झाली. वरुण हा आगामी चित्रपट VD 18 चे शूटिंग करत असताना हा अपघात झाला.

इन्स्टाग्राम स्टोरीद्वारे त्यांनी ही माहिती दिली आहे. त्याने कॅप्शनमध्ये लिहिले - लोखंडी रॉडला आदळल्याने माझ्या पायाला दुखापत झालंय.

वरुण करतोय या सिनेमाचं शूटींग

या आगामी सिनेमाचं दिग्दर्शन कॅलीस करत आहेत. याशिवाय जवान फेम अॅटली आणि मुराद खेतानी या चित्रपटाची निर्मिती करत आहेत. वरुण व्यतिरिक्त या चित्रपटात कीर्ती सुरेश आणि वामिका गब्बी यांच्याही भूमिका आहेत. या चित्रपटात वरुण पूर्ण अॅक्शन अवतारात दिसणार आहे.

हा सिनेमा सुपरहिट तमिळ चित्रपट थेरीचा रिमेक आहे. मार्च 2004 पर्यंत चित्रपटाचे शूटिंग पूर्ण होईल अशी अपेक्षा आहे. हा सिनेमा २०२४ च्या अखेरीस रिलीज होऊ शकतो.