Aishwarya Narkar - Avinash Narkar: "तुम्ही त्यांना वाईट बोलता तेव्हा..." ऐश्वर्या नारकर यांनी व्यक्त केली मनातली खंत

Aishwarya Narkar - Avinash Narkar News: अभिनेते अविनाश नारकर आणि ऐश्वर्या नारकर यांचं सोशल मीडियावर प्रचंड फॅन फॉलोईंग आहे. गेल्या अनेक दिवसांपासुन ऐश्वर्या आणि अविनाश दोघेही चर्चेत आहेत.

अविनाश नारकर सोशल मीडियावर डान्स रिल्स बनवत असतात. त्यावरुन त्यांना अनेकदा ट्रोलही केलं जातं. यावेळी त्यांची पत्नी आणि अभिनेत्री ऐश्वर्या नारकर त्यांना सपोर्ट करताना दिसतात. ऐश्वर्या यांनी सोशल मीडियावर एक रील शेअर करुन मनातली खंत व्यक्त केलीय.

(aishwarya narkar support husband avinash narkar from trolling)

ऐश्वर्या यांनी सोशल मीडियावर एक रील शुट केलाय. या रील व्हिडीओत अविनाश - ऐश्वर्या दोघेही रोमँटीक अंदाजात दिसत आहेत. हा रील पोस्ट करुन ऐश्वर्या यांनी कॅप्शनमध्ये लिहीलंय की, सदैव पाठिंबा देणारं आणि काळजी घेणारं कुटुंब दिल्याबद्दल मी सदैव ऋणी आहे... हा माणुस माझ्या आयुष्यात आहे ज्यामुळे मी स्वतःला भाग्यवान समजते"

ऐश्वर्या पुढे म्हणतात, "हा 'माणूस' केवळ स्वतःच्या कुटुंबाची काळजी घेत नाही तर त्यासोबतच आर्थिकदृष्ट्या कमकुवत किंवा गरजूंची जबाबदारीही आनंदाने घेतो... हे नक्कीच सोपे नाही...

जेव्हा लोकं त्याला ट्रोल करतात तेव्हा मला मनापासून वाटते की तो कोणत्या प्रकारचा माणूस आहे हे एखाद्याला समजले पाहिजे..... हा एकदम हॅपी गो लकी माणूस आहे.. तुम्ही प्रत्येक जीवाचा आदर करा मग तो कोणीही असो....❤️❤️ अविनाश तू एक हिरा आहेस !!!...सदैव असाच राहा."

ऐश्वर्या आणि अविनाश नारकर हे प्रत्येक वेळी कोणत्याही पुरस्कार सोहळ्यात, पार्टी आणि इव्हेंटमध्ये एकत्र दिसतात. दोघांचे डान्स रील्स व्हिडीओ सुद्धा सोशल मीडियावर चांगलेच चर्चेत असतात.

दोघांच्या वर्कफ्रंटबद्दल सांगायचं झालं तर, ऐश्वर्या सध्या झी मराठीवरील सातव्या मुलीची सातवी मुलगी मालिकेत झळकत आहेत. तर अविनाश नारकर सन मराठीवरील कन्यादान मालिकेत झळकत आहेत.