Alia Bhatt Baby Girl: मुलगी झाली हो! आलियानं दिली गोड बातमी

Alia Bhatt Baby Girl: बॉलीवूडची प्रसिद्ध अभिनेत्री आलिया भट्टनं अखेर गोड बातमी देऊन टाकली आहे. तिनं आज मुलीला जन्म दिला आहे, आलियानं सोशल मीडियावर एक पोस्ट शेयर करुन याविषयी माहिती दिली आहे. गेल्या काही दिवसांपासून आलियाच्या गुड न्युजची चर्चा होती.

आलियाची प्रसूती नोव्हेंबर महिन्याच्या शेवटी किंवा डिसेंबर महिन्याच्या पहिल्या आठवड्यात होण्याची शक्यता वर्तवण्यात आली होती. काही वेळेपूर्वी तिला रुग्णालयात दाखल केले होते. काही दिवसांपूर्वीच आलियाचे डोहाळजेवण पार पडले. यावेळी आलियाच्या गोड फोटो पाहून सारेच आनंदित झाले होते. ती सध्या पूर्णतः आपल्या प्रेग्नंसीवर लक्ष देत होती. आता ती लवकरच आई होणार असल्याने घरच्यांसोबत चाहतेही त्या दिवसाची वाट पाहत होते. प्रसुतीनंतर आलिया किमान एक वर्ष मॅटरनिटी लीव्ह घेणार आहे. बाळासोबत जास्तीत जास्त वेळ घालवता यावा यासाठी तिने हा निर्णय घेतला आहे.

सुत्रांनी दिलेल्या माहितीनुसार, आज आलिया प्रसूतीसाठी गिरगाव येथील एच. एन. रिलायन्स ( Sir H. N. Reliance Foundation Hospital ) हॉस्पिटलमध्ये दाखल करण्यात आले होते. सकाळी साडेसातच्या सुमारास आलिया आणि रणबीर हे रुग्णालयात दाखल झाले होते.

अभिनेत्री आलिया भट (Alia Bhatt) आणि रणबीर कपूर (Ranbir Kapoor) लवकरच आईबाबा झाल्याच्या बातमीनं नेटकऱ्यांनी आनंद व्यक्त केला आहे. आलियावर चाहत्यांनी कौतूकाचा वर्षाव केला आहे. गेल्या काही दिवसांपासून बॉलीवूडमध्ये केवळ आलिया आणि रणबीरची चर्चा होती. लग्नानंतर काही महिन्यातच आलिया प्रेग्नंट असल्याची बातमी समोर आली चाहत्यांना मोठा आनंद झाला. तेव्हापासून आलिया कधी आई होणार याकडे सर्वांचे लक्ष लागले होते.

एका मुलाखतीमध्ये आलियानं सांगितले होते की, मी आणि रणबीर आम्ही दोघेही नव्या पाहुण्याच्या स्वागतासाठी उत्सुक आहोत. गेल्या काही दिवसांपासून एका वेगळया फेजमधून जात आहोत. बाळंतपण, चित्रपटांचे शुटींग याचा नाही म्हटलं तरी परिणाम हा होतोच असेही दिसून आले होते. त्यामुळे बाळंतपणानंतर काही दिवसांचा ब्रेक घेणार आहे. त्यानंतर मी पुन्हा येईल. सध्याचा वेळ हा त्या लहान जीवासाठी असेल. अशी प्रतिक्रिया आलियानं दिली होती.