Anushka-Virat Kohli: एकीकडे वर्ल्डकपचा उत्साह दुसरीकडे बाबा होण्याचा आनंद! अनुष्का - विराटच्या घरी गुडन्यूज?

Anushka Sharma Second Pregnancy: बॉलिवूड अभिनेत्री अनुष्का शर्मा आणि विराट कोहली हे बी-टाऊनचे लोकप्रिय कपल आहे. आता अनुष्का शर्मा आणि विराट कोहलीबाबत एक मोठी गोड बातमी सोशल मीडियावर व्हायरल होत आहे.

हिंदुस्तान टाईम्सने दिलेल्या वृत्तानुसार, अनुष्का शर्मा आणि विराट कोहली लवकरच चाहत्यांना गोड बातमी देणार आहे. अनुष्का आणि विराट लवकरच त्यांच्या दुसऱ्या मुलाचे स्वागत करणार आहेत.

हिंदुस्तान टाइम्सच्या रिपोर्टनुसार, अनुष्का शर्मा आणि विराट कोहली दुसऱ्यांदा पालक होणार आहेत. अनुष्का तिची दुसरी प्रेग्नेंसी एन्जॉय करत आहे. अनुष्का शर्मा सध्या तीन महिन्याची प्रेग्नंट असल्याचं बोललं जात आहे. अनुष्का बऱ्याच दिवसांपासून कोणत्याही कार्यक्रमात दिसली नाही. ती सार्वजनिक कार्यक्रमांपासून लांब आहे.

काही काळापूर्वी ती पती विराट कोहलीसोबत मुंबईतील एका क्लिनिकमध्ये दिसली होती. त्यावेळी अनुष्का आणि विराटने पापाराझींना फोटो आणि व्हिडिओ पोस्ट न करण्याची विनंती केली होती.

त्याचबरोबर अनुष्का शर्मा गेल्या काही दिवसांपासून मीडियाच्या लाइमलाइटपासूनही दूर असल्याने या अफवा पसरल्या आहेत. ही बातमी खरी असल्याच अनुष्का आणि विराट लवकरच चाहत्यांसोबत ही गोड बातमी शेयर करतील अशी अपेक्षा दोघांचे चाहते करत आहे. सध्या दोघांनीही याबाबत काही अधिकृत माहिती दिलेली नाही.

बऱ्याच काळ एकमेकांना डेट केल्यानंतर 2017 मध्ये या जोडप्याने मोठ्या थाटामाटात लग्न केले. लग्नाच्या चार वर्षांनंतर अनुष्का शर्मा आणि विराट कोहलीने जानेवारी 2021 मध्ये मुलगी वामिका कोहलीचे स्वागत केले. वामिकाच्या जन्मापासून सार्वजनिक ठिकाणी दोघांनीही तिचा चेहरा दाखवलेला नाही.

अनुष्का शर्माच्या वर्कफ्रंटबद्दल बोलायचे झाले तर, तिने तिच्या आगामी 'चकदा एक्सप्रेस'या चित्रपटाचे शूटिंग पूर्ण केले आहे.