Anushka Sharma : 'बाई तुझा चष्मा एवढा महाग की त्यात आमची...' अनुष्काचा काळा गॉगल चर्चेत

Anushka Sharma Bollywood actress share expensive sunglasses : अनुष्का शर्मा ही नेहमीच तिच्या हटक्या लूकसाठी ओळखली जाणारी अभिनेत्री आहे. बॉलीवूडमध्ये आपल्या नावाची वेगळी ओळख अनुष्कानं तयार केली आहे. अनुष्का नेहमीच सोशल मीडियावर तिच्या लूक्स आणि हटक्या पोस्टसाठी चर्चेत असते. आता तर तिच्या गॉगलची चर्चा रंगली आहे. तिचा तो गॉगल इतका महाग आहे की त्यामुळे नेटकऱ्यांनी तिला भन्नाट प्रश्न विचारले आहेत.

एकीकडे अनुष्काला तिच्या पर्सनल लाईफमध्ये कुणी दखल दिलेली आवडत नाही. मात्र दुसरीकडे ती सोशल मीडियावर वेगवेगळ्या पोस्ट शेयर करुन चाहत्यांना प्रश्न विचारण्यास, प्रतिक्रिया देण्यास भाग पाडत असल्याचे दिसून आले आहे. तिच्या मुलीचे वामिकाचे फोटो सोशल मीडियावर आल्यास तिचा संताप होतो. त्यावरुन तिनं कित्येकदा पापाराझ्झींवर आगपाखड केली आहे. अशा अनुष्कावर आता नेटकऱ्यांनी टीका केली आहे.

अनुष्काच्या त्या ग़ॉगलमधील फोटोंनी नेटकऱ्यांना भन्नाट प्रतिक्रिया देण्यास भाग पाडले आहे. मीडिया सुत्रांनी दिलेल्या माहितीनुसार, त्या गॉगलची किंमत ५२० डॉलर म्हणजेज ४१ हजार ६०० रुपये एवढी आहे.अनुष्काला साधा मेकअप करणं आवडतं. मात्र या फोटोतील तिचा अंदाज भलताच निराळा असल्याचे दिसून आले आहे.

किंग खानसोबत रब ने बना दी जोडी मधून अनुष्कानं बॉलीवूडमध्ये पदार्पण केलं. त्यानंतर तिनं मागे वळून पाहिलं नाही. अनुष्काच्या चित्रपटांनी तिला स्टार बनवलं. आता ती बॉलीवूडमधील प्रसिद्ध निर्माती झाली आहे. २०१८ मध्ये अनुष्का ही झीरोमध्ये दिसली होती. त्यानंतर आता ती बऱ्याच वर्षांनी चकदा एक्सप्रेसमधून प्रेक्षकांसमोर येणार आहे.

अनुष्काचा तो गॉगल पाहिल्यानंतर नेटकऱ्यांनी तिला गंमतीशीर प्रतिक्रिया दिल्या आहेत. त्यात एकानं लिहिलं आहे की, तुझ्या त्या गॉगलची किंमत ऐकून मला नवीन दुचाकी घेता आली असती असं म्हटलं आहे. दुसऱ्यानं लिहिलं आहे की, एवढा महाग गॉगल....सर्व सामान्य लोकांना हे असे शौक परडवणारे नाही. अशी प्रतिक्रिया दिली आहे.