"अगदी खरं आणि स्पष्ट सांगतो", ठिपक्यांची रांगोळी मालिका संपताना अतुल तोडणकरची पोस्ट चर्चेत

Thipkyanchi Rangoli: स्टार प्रवाहवरील ठिपक्यांची रांगोळी मालिका लवकरच प्रेक्षकांचा निरोप घेणार आहे. या मालिकेच्या सेटवर काहीच दिवसांपुर्वी शुटींगचा शेवटचा दिवस सेलिब्रेट करण्यात आला. केक कापून खास सेलिब्रेशन करण्यात आलं.

अशातच मालिका संपल्यावर मालिकेतील सर्वांचा लाडका कुक्की म्हणजेच अभिनेता अतुल तोडणकरची खास पोस्ट चर्चेत आहे. काय म्हणाला अतुल जाणुन घ्या.

अतुल तोडणकर यांनी मालिकेतील कलाकारांसोबत फोटो शेअर करुन लिहीलंय की, ठिपक्यांची रांगोळी हि मालिका लवकरच रसिक प्रेक्षकांचा निरोप घेतेय. त्यानुसार मालिकेचं शूटिंगही संपलंय.. अगदी खरं आणि स्पष्ट सांगू... मी आमची मेकअप रूम खूप मिस करतोय. एकाच मेकअप रूममध्ये आम्ही ४ कलाकार एकत्र असायचो.. असं मी अजूनपर्यंत कधीच नाही केलंय पण इथे ते घडवून आणलं ते आमच्यामध्ये असलेलं भावनिक बंध अर्थात EMOTIONAL BONDING ने.

अतुल तोडणकर शेवटी लिहीतात, "एकमेकांकडून कसलीही अपेक्षा, फायदा घेण्याची वृत्ती, स्वार्थीपणा अशा कुठल्याही भावना नसताना ( जे हल्ली खूपच दुर्मिळ आहे )आम्ही चार बिंदू... हळूहळू चौकोन आणि हळूहळू वर्तुळ होत एकमेकांच्या कधी जवळ आलो आमचं आम्हालाच कळलं नाही.. मित्रांनो, हो आता सहकलाकार नाही,... मित्र.. तुम्हाला खूप मिस करतोय आणि करेन. पुन्हा एकत्र काम करण्याचा योग लवकरच येऊ दे.. मज्जा आली.. खूssssssप मज्जा आली.."

ठिपक्यांची रांगोळी मालिका संपल्यावर स्टार प्रवाहवर नवीन मालिका सुरु होत आहे. तिचं नाव लक्ष्मीच्या पावलांनी. २० नोव्हेंबरपासुन रात्री ९.३० वाजता ही मालिका स्टार प्रवाहवर सुरु होईल.