Bawaal Movie Review: दंगलच्या दिग्दर्शकाने पुन्हा मैदान मारलं, वरुण - जान्हवीचा बवाल तुम्हाला नक्कीच आवडेल

Bawaal Movie Review News: बवाल सिनेमा आज प्रेक्षकांच्या भेटीला आलाय. वरुण धवन, जान्हवी कपूर यांची प्रमुख भुमिका असलेल्या बवाल ची सर्वांना उत्सुकता होती. अखेर हा सिनेमा आज OTT वर रिलीज झालाय.

दंगल, छिछोरे असे लोकप्रिय सिनेमे बनवणारे नितीश तिवारी यांनी बवाल सिनेमाचं दिग्दर्शन केलंय. तर कसा आहे वरुण - जान्हवीचा बवाल जाणुन घेऊ..

(bawaal movie review starring varun dhawan janhvi kapoor directed by nitish tiwari on amazon prime)

बवाल चित्रपटाची कथा:

चित्रपटाची कथा लखनौमध्ये राहणाऱ्या अज्जू भैया उर्फ ​​अजय दीक्षित (वरुण धवन) ची आहे. हिरोसारखा दिसणारा अज्जू हा साधा इतिहास शिक्षक असला तरी त्याच्या स्वभावाची प्रशंसा संपूर्ण शहरात होत आहे.

लखनौच्या जनतेच्या मते, अज्जू भैय्या इतके हुशार आहेत की ते नासामध्ये शास्त्रज्ञ, सैन्यात अधिकारी, जिल्ह्यात जिल्हाधिकारी, क्रीडा क्षेत्रात क्रिकेटपटू बनले, पण त्यांना शिक्षक बनून मुलांचे भविष्य घडवायचे होते.

शहरातील लहान मुलांपासून ते वृद्धांपर्यंत सर्वजण त्याला सुपरमॅनपेक्षा कमी मानत नाहीत, परंतु अज्जूची संपूर्ण प्रतिमाच फसवी आहे हे त्याचे कुटुंब आणि मित्रांशिवाय इतर कोणालाही माहीत नाही. त्यांनी लोकांसमोर जी प्रतिमा निर्माण केली आहे त्यात काहीही तथ्य नाही. तो इतिहास शिक्षकही जुगाड खेळून घडवला आहे.

पुढे अज्जुचं निशासोबत लग्न होतं. अशा काही घटना घडतात की अज्जु आणि निशाला युरोप गाठावं लागतं. युरोपात गेल्यावर त्याला जाणवते की दुसऱ्या महायुद्धाप्रमाणेच त्याच्या आत एक युद्ध सुरू झाले आहे.

या सहलीतून अज्जू आपली नोकरी वाचवू शकेल का? पत्नी निशासोबतचे बिघडलेले नाते कोणते वळण घेते? तो त्याच्या खोट्या प्रतिमेच्या कवचातून बाहेर पडू शकतो का? हे चित्रपट पाहिल्यानंतरच कळेल.

वरुण - जान्हवीच्या अभिनयाने लावले चार चाँद

अभिनयाच्या बाबतीत हा चित्रपट अव्वल ठरतो. 'हिरो नंबर वन', 'जुग जुग जिओ' यांसारख्या चित्रपटांमध्ये गोंडस आणि खेळकर भूमिका साकारणाऱ्या वरुण धवनने यावेळी 'बदलापूर', 'सुई धागा' आणि 'ऑक्टोबर' सारख्या चित्रपटांमध्ये जशा भुमिका साकारल्या होत्या अगदी तशीच भुमिका साकारली आहे.

बवाल सिनेमात एक अतिशय गुंतागुंतीची भूमिका वरुणने दमदारपणे साकारली आहे, वरुणने जुगाडू आणि स्वतःवर प्रेम असलेला अत्यंत प्रामाणिकपणे साकारली आहे. वरुण आणि जान्हवीची पडद्यावरची केमिस्ट्री मनमोहक आहे.

जान्हवीने सुद्धा एका साध्या छोट्या शहरातील मुलीच्या भूमिकेत चांगली आहे. वडिलांच्या भूमिकेत मनोज पाहवाने आपल्या पात्राला पूर्ण न्याय दिला आहे, तर अंजुमन सक्सेना आईच्या भूमिकेत लक्षात राहतात.

एकुणच दंगल, छिछोरे नंतर नितीश तिवारींचा वरुण - जान्हवीचा प्रमुख भुमिका असलेला बवाल तुम्हाला नक्की आवडेल. हा सिनेमा तुम्हाला अॅमेझॉन प्राईमवर बघायला मिळेल