Anupam Kher: अनुपम खेर यांची बॉडी पाहून अक्षय कुमार थक्क म्हणाला...

बॉलिवूड अभिनेते अनुपम खेर हे अभिनयात एखाद्या यूनिवर्सिटीपेक्षा कमी नाहीत. अनुपम खेर यांचा शिव शास्त्री बालबोआ हा नवीन चित्रपट प्रदर्शित होणार आहे. या चित्रपटात ते कुस्तीपटूच्या भूमिकेत दिसत आहे. अनुपम खेर यांनी चित्रपटाच्या नवीन पोस्टरसह घोषणा केली आहे ज्यामध्ये त्यांचा लूक चर्चेत आहे. आता बॉलिवूडचा मिस्टर खिलाडीही त्यांचा फिटनेस आणि बॉडी पाहून हैराण झाला असून अक्षय कुमारनेही त्यांचे कौतुक केले आहे.

अनुपम खेर यांच्या आगामी शिव शास्त्री बालबोआ चित्रपटाचे पोस्टर शेअर करताना अक्षय कुमारने लिहिले, "प्रिय अनुपम खेर जी, आता तुम्ही थांबा. मी तुम्हाला बॉडी बनवायला सांगितले होते! पण तुम्ही ते खुपचं सीरियसली घेतले. पोस्टर खूपच मनोरंजक दिसत आहे. #ShivShastriBalboa साठी तुम्हाला शुभेच्छा. असेच पुढे जात राहा". फिटनेस फ्रीक अक्षय कुमारने अनुपम खेर यांना या भूमिकेसाठी प्रोत्साहन दिले आहे. अनुपम आता ७० वर्षांचे होणार आहेत. पण त्यांच्या एनर्जी आणि मेहनतीच्या जोरावर ते चाहत्यांना प्रभावित करताना दिसतात.

इंस्टाग्रामवर चित्रपटाचे पोस्टर शेअर करताना अनुपम खेर यांनी लिहिले – माझ्या पुढील रिलीजचे नाव आहे #ShivShastriBalboa! एका सामान्य व्यक्तीच्या असामान्य व्यक्तिमत्त्वाची ही कथा आहे. तुम्हाला हसवण्यासोबतच तुमच्या हृदयात एक सुंदर भावनाही जागृत करेल. हा चित्रपट 10 फेब्रुवारीला थिएटरमध्ये प्रदर्शित होणार आहे. जय हो. #shivshatribalboa

अनुपम खेर यांच्या चित्रपटाचे चाहते खुल्या मनाने स्वागत करत आहेत. कमेंट बॉक्समध्ये लोक त्यांचे कौतुक करताना दिसत आहेत. गुरु रंधावा, नर्गिस फाखरी, जुगल हंसराज यांच्यासह अनेक स्टार्सनी त्यांना प्रोत्साहन दिले आहे. एका चाहत्याने लिहिले, 'मला पूर्ण आशा आहे की या चित्रपटाद्वारे तुम्ही तुमच्या अभिनयाने पुन्हा दहशत निर्माण कराल'. आणखी एका व्यक्तीने लिहिले, 'अनुपम खेर जी, तुम्ही आमच्या सर्वांसाठी प्रेरणास्त्रोत आहात'.