लोकं गेली उडत! आपण करु तेच बरोबर म्हणणाऱ्या अभिनेत्रींची आहे का ओळख?

दिया मिर्झा - गेल्या वर्षी वैभव रेखी सोबत दियानं लग्न केलं होतं. त्या लग्नावरुन तिला नेटकऱ्यांच्या विरोझाला सामोरं जावं लागलं होतं. दियानं त्या लग्नामध्ये कन्यादान आणि पाठवणी या विधींना फाटा दिला होता. त्यावरुन तिच्यावर टीका झाली होती. तिनं त्याविरोधात नेटकऱ्यांना उत्तर दिलं होतं.

कतरिना कैफ - कतरिनानं तर आपल्या चारही बहिणींना लग्नात मिरवले होते. त्याचीही चर्चा झाली. मुळची परदेशी असणारी कतरिना आता भारतामध्ये सर्वाधिक लोकप्रिय असणारी अभिनेत्री आहे. सोशल मीडियावर तिचा फॉलोअर्सही मोठा आहे. लोकं काहीही म्हणाली तरी आपल्याला जे खरं वाटतं ते करण्यास ती कधीही मागेपुढे पाहत नाही.

करिना कपूर खान - सैफ अली खानशी लग्न करणार असं म्हटल्यावर करिनाला नेटकऱ्यांनी मोठ्या प्रमाणावर ट्रोल केले होते. तिनं प्रेग्नंसीवर एक पुस्तक लिहिलं होतं. त्यावरुनही तिला नावं ठेवण्यात आली होती. करिनानं या साऱ्याचा कधीही विचार केला नाही. तिच्या मुलांच्या नावावरुन ट्रोल करण्यात आले.

मंदिरा बेदी - 2021 मध्ये मंदिराच्या पतीचं राज कौशलचं निधन झालं. त्यानंतर मोठ्या संकटात आलेल्या मंदिरानं मोठ्या जिद्दीनं स्वताला सावरलं. आपल्याकडे पुरुषच अंतिम संस्कार करतात. मात्र मंदिरानं ती प्रथा मोडीत काढत स्वत पतीच्या पार्थिवाला अग्नी दिला होता.

सुश्मिता सेन - सुश्मिताचा बॉलीवूडमधील करिअर ग्राफ हा नेहमीच चढता - उतरता राहिला आहे. विश्वसुंदरीचा खिताब तिनं मिरवला खरा. मात्र त्याचा उपयोग बॉलीवूडसाठी झाला नाही. त्याकरिता तिला संघर्ष करावा लागला. तिला तिच्या वैयक्तिक आयुष्यावरुन अनेकदा ट्रोल करण्यात आले होते. मात्र ती त्याविरोधात उभी राहिली.

प्रियंका चोप्रा - अमेरिकेत स्थायिक झालेल्या प्रियंकानं निक जोन्सशी लग्न केलं. दोघांच्या वयात दहा वर्षांचं अंतर आहे. प्रेमात त्यांच वय आड आलं नाही. त्यामुळे त्यांच्या नात्यात कोणताही दुरावा आला नाही.