Animal Film: बॉबी देओल चित्रपटात एक शब्दही बोलणार नाही! कारणही आलं समोर

Animal Movie Bobby Deol: रणबीर कपूर आणि रश्मिका मंदान्ना आणि बॉबी देओल यांचा 'अ‍ॅनिमल' चित्रपट रिलीज होण्यास सज्ज झाला आहे. या चित्रपटाच्या टीझरपासून ते गाण्यांपर्यंत सर्वच गोष्टींना चाहत्यांनी खूप पसंती दिली आहे.

1 डिसेंबरला हा चित्रपट थिएटरमध्ये दाखल होणार आहे. सध्या सोशल मिडियावर या चित्रपटाची जोरदार चर्चा आहे. एकीकडे 'अॅनिमल' मधील रणबीरचा लूक चाहत्यांना आकर्षित करत आहे तर दुसरीकडे बॉबी देओलच्या व्यक्तिरेखेबद्दल चाहते अजूनही गोंधळले आहेत.

बॉबी देओलच्या भुमिकेबद्दल निर्मात्यांनी टिझर आणि गाण्यांमध्ये फारसा खुलासा केलेला नाही. केवळ टीझरमध्ये बॉबी देओलची एक झलक दिसली होती. जी पाहिल्यानंतर बॉबीच्या चाहत्यांनी त्याला डोक्यावर घेतलं.

'अॅनिमल'चा ट्रेलर 23 नोव्हेंबरला रिलीज होणार आहे. निर्मात्यांना बॉबी देओलच्या भुमिकेबाबत सस्पेन्स कायम ठेवायचा आहे. मात्र आता बॉबी देओलच्या व्यक्तिरेखे संबंधित माहिती समोर आली आहे.

बॉबी देओलची टीझरमध्ये 20 सेकंदांची झलक दाखवण्यात आली होती, ज्यामध्ये तो एक शब्दही बोलला नाही, परंतु तो एक खतरनाक खलनायकाची भुमिका साकारत आहे हे काळले होते.

आता टाइम्स ऑफ इंडियाने दिलेल्या वृत्तानुसार, बॉबी देओल 'अ‍ॅनिमल' या चित्रपटात एका मूक व्यक्तीची भूमिका साकारणार आहे. चित्रपटात तो एक शब्दही बोलणार नसला तरी त्याची दहशत खुप असेल. आता बॉलिवूडमध्ये पहिल्यांदाच बॉबी मूक खलनायकाच्या भूमिकेत दिसणार आहे.

हा चित्रपट ५ भाषांमध्ये प्रदर्शित होणार आहे. ज्यात हिंदी व्यतिरिक्त तेलुगू, कन्नड, मल्याळम आणि तामिळ भाषेचा सामावेश आहे. या सिनेमॅटिक मास्टरपीसमध्ये रणबीरसोबत अनिल कपूर, रश्मिका मंदान्ना, बॉबी देओल आणि तृप्ती डिमरी प्रमुख भूमिकेत आहेत.

भूषण कुमार आणि कृष्ण कुमार यांच्या टी-सिरीज, मुराद खेतानी यांचा सिने1 स्टुडिओ आणि प्रणय रेड्डी वंगा यांच्या भद्रकाली पिक्चर्स यांनी अॅनिमल'ची निर्मिती केली आहे.