Chala Hawa Yeu Dya: ९ वर्षांच्या प्रवासाला विश्रांती! 'चला हवा येऊ द्या' घेणार निरोप, निलेश साबळे भावुक! म्हणाला,

Chala Hawa Yeu Dya Goes Off Air: चला हवा येऊ द्या हा शो गेली अनेक वर्ष प्रेक्षकांचं मनोरंजन करतोय. गेली अनेक वर्ष चला हवा येऊ द्या च्या माध्यमातुन प्रेक्षक खळखळुन हसत आहे.

पण आता मात्र चला हवा येऊ द्या प्रेक्षकांचा निरोप घेणार आहे. चला हवा येऊ द्या दिग्दर्शक - लेखक - अभिनेता निलेश साबळेने स्वतः ही माहिती दिलीय.

(chala hawa yeu dya goes off air nilesh sabale feeling emotional zee marathi)

चला हवा येऊ द्या घेणार प्रेक्षकांचा निरोप

निलेश साबळे यांनी एका वृत्तसंस्थेला दिलेल्या मुलाखतीत चला हवा येऊ द्या ऑफ एअर जाणार असल्याचं सांगितलं आहे. निलेश म्हणाले, "गेली ९ वर्ष चला हवा येऊ द्या शो प्रेक्षकांचं मनोरंजन करतोय. तुर्तास झी मराठीने चला हवा येऊ द्या शो थांबवण्याचा निर्णय घेतलाय."

चला हवा येऊ द्याचं नवीन पर्व येणार?

निलेश पुढे म्हणाले, "चला हवा येऊ द्या च्या माध्यमातुन शोमधील कलाकारांना खुप लोकप्रियता आणि प्रसिद्धी मिळाली. प्रत्येकाला आयुष्यात आर्थिक स्थैर्य प्राप्त झाले. पण तुर्तास थांबण्याचा निर्णय घेत आहोत. पण काही महिन्यांनी नवीन पर्वाच्या माध्यमातुन आम्ही पुन्हा भेटीला येऊ"

चला हवा येऊ द्याच्या निमित्ताने निलेश साबळे, भाऊ कदम, भारत गणेशपुरे, सागर कारंडे, कुशल बद्रिके, श्रेया बुगडे अशा अनेक कलाकारांना प्रेक्षकांचं प्रेम मिळालं