...म्हणून केलं खासगीत लग्न- दीपिकाचे स्पष्टीकरण

वृत्तसंस्था
बुधवार, 5 डिसेंबर 2018

दिपीकाने म्हटले आहे की, 'लग्नानंतर आम्ही शेअर केलेल्या फोटोंमधून संपूर्ण विवाहसोहळ्याची कल्पना येते. तुमचे जवळचे व्यक्ती या समारंभाला उपस्थित राहणं महत्त्वाचं असतं. सेलिब्रिटी म्हणून आमची काय ओळख आहे हे बाजूला ठेवून व्यक्ती म्हणून आम्हाला ओळखणाऱ्यांना जवळच्या मंडळींनाच आम्ही आमंत्रित केलं होतं, असे तिने स्पष्ट केले.

मुंबई- अभिनेता रणवीर सिंग आणि दीपिका पदुकोण यांचा इटलीत राजेशाही थाटात विवाहसोहळा पार पडला. देशभरात या लग्नाची चर्चा झाली. मोजके कुटुंबीय आणि मित्रपरिवाराच्या उपस्थितीत दीपिका आणि रणवीरचा विवाह संपन्न झाला. तसं पहायला गेलं तर हा विवाहसोहळा खूपच खासगीत पार पडला. यावर सोशल मिडीयावर आणि इतरत्र चर्चाही झाली. परंतु आता खासगीत आणि गुपचूप लग्न करण्याचे कारण दीपिकानेच स्पष्ट केले आहे.

दिपीकाने म्हटले आहे की, 'लग्नानंतर आम्ही शेअर केलेल्या फोटोंमधून संपूर्ण विवाहसोहळ्याची कल्पना येते. तुमचे जवळचे व्यक्ती या समारंभाला उपस्थित राहणं महत्त्वाचं असतं. सेलिब्रिटी म्हणून आमची काय ओळख आहे हे बाजूला ठेवून व्यक्ती म्हणून आम्हाला ओळखणाऱ्यांना जवळच्या मंडळींनाच आम्ही आमंत्रित केलं होतं, असे तिने स्पष्ट केले.

दरम्यान, दीप-वीरच्या लग्नाच्या दुसऱ्या दिवशी संध्याकाळी सोशल मीडियावर फोटो शेअर करण्यात आले. तोपर्यंत संपूर्ण देशाला त्यांच्या फोटोंची उत्सुकता होती. याआधी अनुष्का-विराटनेही अशाच प्रकारे खासगी पद्धतीने लग्न केले होते.

Web Title: Deepika Padukone On Having A Fiercely Private Wedding It Was Magical To Have Just Family And Friends There