Devendra Fadnavis: देवेंद्रजींनी लिहिलेलं अन् अमृता फडणवीसांनी गायलेलं गाणं ऐकलंत का? सोशल मीडियावर होतोय कौतुकाचा वर्षाव

गायिका आणि गृहमंत्री देवेंद्र फडणवीस (Devendra Fadnavis) यांच्या पत्नी अमृता फडणवीस या त्यांच्या गाण्यांमुळे चर्चेत असतात. अमृता फडणवीस (Amruta Fadnavis) यांचे नवे गाणे प्रेक्षकांच्या भेटीला आले आहे. हे गाणे देवेंद्र फडणवीस यांनी लिहिलं असून या गाण्याला अजय-अतुल यांनी संगीत दिलं आहे. सध्या देवेंद्रजी आणि अमृता फडणवीस यांच्या या नव्या गाण्याची चर्चा सोशल मीडियावर होत आहे.

राम नाम (Ram Naam) असं देवेंद्र फडणवीस यांनी लिहिलेल्या गाण्याचे नाव आहे. या गाण्याचा कोरस उमेश जोशी, विजय धुरी, जनार्दन धात्रक, संतोष बोटे, यश कुलकर्णी, यशद घाणेकर, सौरभ वखारे, विदित पाटणकर, प्रगती जोशी, आरोही म्हात्रे, मृण्मयी दडके, मानसी परांजपे, शमिका भिडे, शरयु राजकुमार दाते, राजकुमार चव्हाण यांनी गायला आहे. देवेंद्र फडणवीस यांनी लिहिलेल्या या गाण्याला नेटकऱ्यांची पसंती मिळत आहे.

अमृता फडणवीसांनी शेअर केला व्हिडीओ

अमृता फडणवीस यांनी सोशल मीडियावर राम नाम या गाण्याचा व्हिडीओ शेअर केला आहे. हा व्हिडीओ शेअर करुन त्यांनी कॅप्शनमध्ये लिहिलं, "अजय-अतुल यांच्या मनमोहक रचनेसह देवेंद्र फडणवीस यांनी लिहिलेल्या या मंत्रमुग्ध करणाऱ्या राम भजनाचा एक भाग होताना आनंद झाला."

नेटकऱ्यांच्या कमेंट्स

राम नाम या गाण्याला एका नेटकऱ्यानं कमेंट केली, "खुप छान गाणं लिहिलं आहे. देवेंद्र फडणवीस साहेबांनी आणि अपेक्षेप्रमाणे छान संगीत आहे." तर दुसऱ्या युझरनं कमेंट केली, अजय-अतुल सँल्युट तुम्हाला, काय कंपोजिशन आहे."

पाहा व्हिडीओ:

झी म्युझिक कंपनी या युट्यूब चॅनलवर शेअर करण्यात आलेल्या राम नाम या गाण्याला प्रेक्षकांची पसंती मिळत आहे. या गाण्याला आतापर्यंत 83 हजारपेक्षा जास्त व्ह्यूज मिळाले आहेत. तर एक हजारपेक्षा जास्त नेटकऱ्यांनी या गाण्याला लाइक केलं आहे.